بلوچستان کے اضلاع کچھی اور وڈھ میں سیکیورٹی فورسز کی 2 الگ الگ انٹیلیجنس بیسڈ کارروائیوں کے دوران 9 بھارتی سرپرستی میں سرگرم دہشتگرد ہلاک ہوگئے۔
آئی ایس پی آر کے مطابق یہ کارروائیاں 26 اکتوبر 2026 کو بلوچستان کے اضلاع کچھی اور وڈھ میں دہشتگردوں کی موجودگی کی اطلاعات پر کی گئیں، جن کا تعلق بھارتی پراکسی تنظیم ’فتنہ الہندوستان‘ سے بتایا گیا ہے۔
یہ بھی پڑھیں: بلوچستان میں سیکیورٹی فورسز کے کامیاب آپریشنز، فتنہ الہندوستان کے 33 دہشتگرد ہلاک
آئی ایس پی آر کے مطابق ضلع کچھی میں انٹیلیجنس بیسڈ آپریشن کے دوران سیکیورٹی فورسز نے دہشتگردوں کے ٹھکانے کو مؤثر انداز میں نشانہ بنایا۔
اس دوران شدید فائرنگ کے تبادلے کے بعد بھارتی سرپرستی میں سرگرم 7 دہشتگرد ہلاک ہوگئے، کارروائی کے دوران اسلحہ اور گولہ بارود بھی برآمد کیا گیا۔
Security forces killed nine terrorists belonging to Fitna Al Hindustan in two intelligence-based operations in Balochistan’s Kachhi and Wadh districts on October 26, according to ISPR. Seven terrorists were killed in Kachhi and two in Wadh following intense exchanges of fire.… pic.twitter.com/WBsEr6yQTf
— Pakistan TV (@PakTVGlobal) October 28, 2026
ترجمان پاک فوج کے مطابق ضلع وڈھ میں ایک اور انٹیلیجنس بیسڈ آپریشن کے دوران سیکیورٹی فورسز نے دہشتگردوں کی نقل و حرکت کا سراغ لگا کر انہیں روک لیا۔
شدید فائرنگ کے تبادلے کے نتیجے میں مزید 2 دہشتگرد ہلاک ہوگئے، جبکہ ان کے قبضے سے بھی اسلحہ اور گولہ بارود برآمد کیا گیا۔
مزید پڑھیں: آپریشن ردالفتنہ3، بلوچستان میں سیکیورٹی فورسز کی زبردست کارروائیاں، فتنہ الہندوستان کے 48 دہشتگرد ہلاک
آئی ایس پی آر کا کہنا ہے کہ علاقے میں ممکنہ طور پر موجود دیگر دہشتگردوں کے خاتمے کے لیے کلیئرنس اور سینیٹائزیشن آپریشنز جاری ہیں۔
ترجمان کے مطابق وفاقی ایپکس کمیٹی کی جانب سے منظور کردہ قومی ایکشن پلان کے تحت وژن ’عزمِ استحکام‘ کے تحت سیکیورٹی فورسز اور قانون نافذ کرنے والے اداروں کی انسدادِ دہشت گردی مہم پوری رفتار سے جاری رہے گی، جس کا مقصد ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کرنا ہے۔
