بلوچستان کے علاقے شیرانی میں دھانہ سر کے مقام پر اتوار کی دوپہر کو نامعلوم دہشت گردوں کی جانب سے سیکیورٹی فورسز کی چیک پوسٹوں پر حملہ کیا گیا۔ جس سے 3 سیکیورٹی اہلکار شہید سیکیورٹی فورسز کی جوابی فائرنگ میں ایک حملہ آور مارا گیا۔
پولیس کے مطابق شر پسندوں کی جانب سے سیکیورٹی فورسز کی چیک پوسٹ پر راکٹ اور فائرنگ کی گئی جس سے 3 سیکیورٹی اہلکار شہید سیکیورٹی فورسز کی جوابی فائرنگ میں ایک حملہ آور مارا گیا۔ دہشت گردوں فائرنگ کرکے فرار ہونے میں کامیاب رہے جبکہ سیکیورٹی نے سر پسندوں کی تلاش کے لیے سرچ آپریشن شروع کر دیا ہے۔
وزیراعلیٰ بلوچستان میر عبدالقدوس بزنجو نے دھانہ سر کے مقام پر سیکیورٹی فورسز کی چیک پوسٹ پر حملے کی شدید الفاظ میں مزمت کرتے ہوئے کہا کہ دہشت گرد بزدلانہ کارروائیوں سے سیکیورٹی فورسز کے حوصلے پست نہیں کر سکتے۔ سیکیورٹی فورسز کی قربانیاں قوم کے لیے مشعل راہ ہیں۔ سیکیورٹی فورسز پختہ عزم و حوصلے کے ساتھ ملک و قوم کا تحفظ یقینی بنا رہی ہیں۔ قوم ملک دشمن عناصر کے ناپاک عزائم ناکام بنانے کے لیے اپنی سیکیورٹی فورسز کے ساتھ کھڑی ہے۔
