کریمی پالک پاستا قوت بخش اور لذیذ ہے۔ یہ کھانے میں انتہائی مزیدار تو ہے ہی لیکن پالک سے بھرا ہوا یہ پاستا صحت کے لیے ایک بھرپور غذا بھی ہے۔ اسے بنانا نہایت ہی آسان ہے، یہ کم وقت میں تیار ہونے والی ایک بہترین ڈش ہے جسے رات کے کھانے کے طور پر بھی کھایا جا سکتا ہے۔
کریمی پالک پاستا بنانے کے لیے درکار اجزا
200 گرام خشک پاستا
2 چمچ زیتون کا تیل
لہسن کے 2 بڑے جوئے، باریک کٹے ہوئے۔
½ چائے کے چمچ خشک مرچ
300 گرام کٹی ہوئی پالک
100 گرام پنیر
100 گرام کریم
چٹکی بھر پسی ہوئی جائفل
30 گرام پرمیسن (اسے سخت پنیر بھی کہتے ہیں) پسا ہوا۔
نمک اور تازہ پسی ہوئی کالی مرچ حسب ذائقہ
بنانے کا طریقہ
پاستا کو پیکٹ کی ہدایات کے مطابق ابلتے ہوئے نمکین پانی میں ڈال کر پکائیں۔
دوسری جانب ایک کڑاہی میں زیتون کے تیل کو درمیانی آنچ پر گرم کریں پھر اس میں لہسن اور مرچ کے فلیکس شامل کریں اور 1 منٹ تک پکاتے رہیں۔
پھر اس میں پالک شامل کریں اور 2-3 منٹ تک پکائیں، بار بار ہلاتے رہیں، پالک اس وقت تک پکائیں جب تک یہ پک کر مرجھا نہ جائے۔
پھر اس میں پنیر، کریم، جائفل ملائیں اور نمک اور کالی مرچ شامل کر کے خوب ہلائیں۔ ابالنے پر پھر فرائی پین کو آنچ سے ہٹا دیں اور اس میں پرمیسن ڈال کر ہلائیں۔
دوسری جانب پاستا کو فرائی پین سے نکال لیں پھر اس پاستا کو پنیر، کریم، جائفل سے تیار کیے گئے مکسچر میں ڈالیں، اسے پھر ہلکی آنچ پر اس وقت تک پکائیں جب تک پاستا اور کریمی مکسچر اچھی طرح سے ایک دوسرے سے مل نہ جائیں۔
اب اس میں اضافی پیرسمین یعنی ٹھوس پنیر اور تازہ پسی ہوئی کالی مرچ ڈالیں، آپ کا کریمی پالک پاستا تیار ہے۔
