وفاق کی جانب سے سماعت ملتوی کرنے کی استدعا کرتے ہوئے بتایا گیا کہ ایڈیشنل اٹارنی جنرل عامر رحمان سپریم کورٹ میں مصروف ہیں۔ چیف جسٹس نے استفسار کیا کہ الیکشن کمیشن نے تیاریاں شروع کردیں؟
ڈی جی لاء الیکشن کمیشن نے بتایا اسلام آباد کی تینوں نشستوں پر ضمنی انتخابات ہو رہے ہیں۔ بلدیاتی انتخابات کیلئے ڈی آر او ضمنی انتخابات کیلئے آر او بھی ہیں۔
پی ٹی آئی وکیل سردار تیمور اسلم نے کہا سمجھ نہیں آ رہی کہ الیکشن کمیشن کیوں تاخیر چاہ رہا ہے جبکہ الیکشن کمیشن کی تیاری مکمل ہے۔ چیف جسٹس نے استفسار کیا عدالت کی معاونت کریں کیا الیکشن کمیشن کو ڈائریکشن دی جاسکتی ہے؟ میرے خیال میں تو الیکشن کمیشن کو ڈائریکشن دی جاسکتی ہے۔
چیف جسٹس نے کہا مردم شماری کے بعد حلقہ بندیاں اور سیٹوں کی ایڈجسٹمنٹ سمجھ آتی ہے۔ ایک بار ایڈجسٹمنٹ ہونے کے بعد دوبارہ حلقہ بندیوں کی سمجھ نہیں آتی۔ بنیادی مسئلہ وفاقی حکومت کا ہے الیکشن کمیشن کا نہیں ۔ یہ اہم ایشو ہےکل کیلئے سماعت رکھ دیتے ہیں۔
ایڈیشنل اٹارنی جنرل نے عدالت سے سماعت آئندہ ہفتے تک کیلئے ملتوی کرنے کی استدعا کی۔اس پر چیف جسٹس نے کہا سپریم کورٹ سے چیک کرکے بتادیں کہ وہاں کیس کب تک ملتوی ہوا ہے اگر وہاں کل سماعت نہیں ہوتی تو کل یہاں سماعت کریں گے۔عدالت نے سماعت ملتوی کردی۔
