ڈسٹرکٹ اینڈ سیشن جج نے اسلام آباد کی تمام ضلعی عدالتوں کی ڈسٹرکٹ جوڈیشل کمپلیکس جی الیون فور( G-11/4 ) میں منتقلی کے احکامات جاری کر دیے ہیں۔ 17 جولائی سے تمام ضلعی عدالتیں نئے جوڈیشل کمپلیکس میں کام کریں گی۔
ہفتہ کے روز ڈسٹرکٹ اینڈ سیشن جج ( غربی) اسلام آباد ناصر جاوید رانا کی جانب سے عدالتی احاطے میں ایک نوٹس آویزاں کیا گیا جس میں کہا گیا ہے کہ ’ ہر خاص و عام کو مطلع کیا جاتا ہے کہ بحکم عدالت عالیہ اسلام آباد کورٹ، اسلام آباد تمام ضلعی عدالتیں سول و سیشن ڈویژن ایسٹ اور ویسٹ مرکز F-8 اسلام آباد سے نئے ڈسٹرکٹ جوڈیشل کمپلیکس جی الیون فور( G-11/4 ) اسلام آباد منتقل ہو رہی ہیں۔
حکم نامے کے مطابق اب مورخہ 17 جولائی 2023 سوموار کو تمام مذکورہ ضلعی عدالتیں نئے ڈسٹرکٹ جوڈیشل کمپلیکس میں کام کریں گی۔
