اٹارنی جنرل منصور عثمان اعوان نے فوج کی تحویل میں موجود 9 مئی کے جلاؤ گھیراؤ میں ملوث 102 گرفتار ملزمان کی فہرست سپریم کورٹ میں پیش کردی ہے۔ اٹارنی جنرل نے بتایا کہ زیرِحراست 7 ملزمان جی ایچ کیو حملے میں ملوث ہیں۔
سپریم کورٹ میں فوجی عدالتوں میں عام شہریوں کے مقدمات کے خلاف دائر درخواستوں کی سماعت کے دوران اٹارنی جنرل نے تفصیلات بتاتے ہوئے کہا کہ 4 ملزمان نے آرمی انسٹیٹیوٹ پر حملہ کیا۔ 28 ملزمان نے کور کمانڈر ہاوس لاہور میں حملہ کیا۔ 5 ملزمان ملتان، 10 ملزمان گوجرانوالہ گریژن حملے میں ملوث ہیں۔ 8 ملزمان آئی ایس آئی آفس فیصل آباد، 5 ملزمان پی ایف بیس میانوالی حملے میں ملوث ہیں۔
مزید پڑھیں
14 ملزمان چکدرہ حملے میں ملوث ہیں۔ 7 ملزمان نے پنجاب رجمنٹ سینٹر مردان میں حملہ کیا۔ 3 ملزمان ایبٹ آباد، 10 ملزمان بنوں گریژن حملے میں ملوث ہیں۔ ایک ملزم آئی ایس آئی حمزہ کیمپ حملے میں ملوث ہے۔ اٹارنی جنرل نے عدالت کو آگاہ کیا کہ زیر حراست ملزمان کی گرفتاری سی سی ٹی وی کمیرے اوردیگر شواہد کی بنیاد پر کی گئی ہے۔