سینیٹ میں قائد حزب اختلاف سینیٹر شبلی فراز نے کہا ہے کہ بانی پی ٹی آئی عمران خان نے مذاکرات کا اختیار کسی انفرادی شخصیت یا کمیٹی کو نہیں دیا۔
اپنے ایک بیان میں انہوں نے کہاکہ تمام اسٹیک ہولڈرز سے مذاکرت کا اختیار اور ٹی او آرز صرف بانی پی ٹی آئی طے کریں گے۔
مزید پڑھیں
انہوں نے کہاکہ پبلک اکاؤنٹس کمیٹی سے متعلق کسی انفرادی شخصیت بارے بات نہیں کی، عمران خان جو بھی فیصلہ کریں گے سب کو قبول ہوگا۔
انہوں نے کہاکہ آج صحافیوں سے غیر رسمی بات چیت کو غلط انداز میں پیش کیا گیا۔
شبلی فراز نے کہاکہ بانی پی ٹی آئی عمران خان کی اجازت کے بغیر کسی کو بھی فیصلہ سازی کا اختیار نہیں۔
واضح رہے کہ صحافیوں سے غیررسمی گفتگو میں شبلی فراز نے کہا تھا کہ اسٹیک ہولڈرز سے مذاکرات ہونے چاہیئیں لیکن ضروری ہے کہ پہلے اس کے پیرامیٹرز طے ہوں۔
