ایشین ہاکی چیمپیئنز ٹرافی میں پاکستان نے چین کو ایک کے مقابلے میں 2 گول سے شکست دے دی۔
بھارت کے شہر چنائی میں جاری ایشین ہاکی چیمپئنز ٹرافی کے پیر کو کھیلے جانے والے میچ میں دونوں ٹیمیں پہلے ہاف میں کوئی گول نہیں کرسکیں۔
دوسرے ہاف میں پاکستان کی جانب سے 20 ویں منٹ میں پینلٹی کارنر کے ذریعے محمد سفیان خان نے اور 39 ویں منٹ میں افراز نے فیلڈ گول اسکور کیا جب کہ چین کی جانب سے 33 ویں منٹ میں جسہینگ نے گول اسکور کیا۔ پاکستان نے چند پنیلٹی کارنرز ضائع بھی کیے۔
پاکستان اپنا پانچواں میچ 9 اگست کو روایتی حریف بھارت کے خلاف کھیلے گا اور اس میں کامیابی کی صورت میں سیمی فائنل کے لیے کوالیفائی کرلے گا۔
