لاہور میں ڈرون سے ہیروئن کی بھارت میں اسمگلنگ کرنے والا نیٹ ورک بے نقاب ہو گیا ہے۔ پولیس اہلکار ہی دھندے میں ملوث نکلے، اے این ایف نے ٹھوس شواہد کی بنیاد پر مقدمہ درج کر لیا۔
ڈپٹی کمشنر آفس کی نظارت برانچ میں تعینات پولیس اہلکار شرافت کو مقدمے میں نامزد کیا گیا ہے۔
ایف آئی آر کے مطابق ہیروئن بھارت اسمگل کرنے کے لیے ڈرون کا استعمال کیا جاتا تھا۔ سرحدی علاقے میں چھاپہ مار کر ہیروئن برآمد کرلی گئی۔
ایف آئی آر کے مطابق ہیروئن اسمگلنگ کے لیے استعمال ہونے والا ڈرون بھی قبضے میں لے لیا گیا ہے۔
ملزمان کی شناخت عبدالرزاق، جیدا، شرافت علی، مصطفیٰ اور اعجاز ڈیال کے نام سے ہوئی۔ مقدمے کے مطابق منشیات اسمگلروں کے گروہ کو سرحد پار سے سپورٹ حاصل تھی۔
دوسری جانب اے این ایف کے ذرائع کے مطابق ملوث ملزمان کارروائی کے دوران فرار ہوگئے۔
