کراچی کنگز کے کپتان عماد وسیم نے کہا ہے کہ کھلاڑیوں کے آنے جانے سے ٹیم نہیں بنتی، ٹیم کھلاڑیوں کی کارکردگی سے بنتی ہے۔
کراچی میں پریس کانفرنس کے دوران کراچی کنگز کے کپتان عماد وسیم نے کہا کہ بابر اعظم کی کراچی کنگز کے لئے بڑی خدمات ہیں،شعیب ملک ایک سینئر کھلاڑی ہیں،سنیئر کھلاڑی مشکل وقت میں اچھا مشورہ دیتے ہیں۔
عماد وسیم نے کہا کہ دنیا میں جس طرح ٹی ٹوئنٹی کھیلی جاتی ہے ہم اسی طرح کھیلنا چاہتے ہیں،پی ایس ایل دنیا کی سب سے مشکل لیگ ہے،پی ایس ایل نے قومی ٹیم کو کھلاڑی دیے ہیں۔
انہوں نے کہا کہ کبھی نہیں کہا محمد رضوان اچھا کھلاڑی نہیں ہے،رضوان نے وقت کے ساتھ اپنی صلاحیتوں کو منوایا ہے۔
کراچی کنگز کے کپتان نے کہا کہ اس وقت پی ایس ایل ہمارے گول ہیں،مستقبل کا کسی کو علم نہیں،آگے سوچنے کا کوئی گول نہیں۔
ان کا کہنا ہے کہ کسی بھی کھلاڑی سے ذاتی مسئلہ نہیں ہے، میں دوستی یاری کا قائل نہیں ہوں،میں نے پاکستان کرکٹ میں دوستی یاری نہیں دیکھی،مجھے کپتان فرنچائزر نے بنایا ہے۔
عماد وسیم نے کہا کہ کھلاڑیوں کے آنے جانے سے ٹیم نہیں بنتی، ٹیم کھلاڑیوں کی کارکردگی سے بنتی ہے۔
