آئی سی سی ویمنز ٹی ٹوئنٹی ورلڈ کپ میں پاکستان نے آئر لینڈ کے خلاف 70 رنز سے فتح حاصل کرلی۔
کیپ ٹاؤن میں کھیلے گئے میچ میں پاکستان نے 5 وکٹ پر 165 رنز اسکور کیے۔ منیبہ نے 68 گیندوں پر 14 چوکوں کی مدد سے 102 رنز بنائے۔ جبکہ ندا ڈار 33 رنز کے ساتھ نمایاں رہیں۔ آئرلینڈ کی جانب سے آرلین کیلی نے دو وکٹیں حاصل کیں۔
قومی ویمنز ٹیم نے اپنے دوسرے میچ میں آئرلینڈ کو جیت کے لیے 166 رنز کا ہدف دیا تھا۔ تاہم آئرلینڈ کی ٹیم 95 رنز پر ہی ڈھیر ہوگئی۔
پاکستان کی نشرا سندھو نے 4 کھلاڑیوں کو آؤٹ کیا جب کہ سعدیہ اقبال اور ندا ڈار نے 2 ، 2 وکٹیں حاصل کیں۔
قومی ٹیم کی وکٹ کیپر بیٹر منیبہ علی ویمنز کرکٹ میں پاکستان کی جانب سے سنچری بنانے والی پہلی بیٹر بن گئیں۔
منیبہ نے نہ صرف 102 رنز کی اننگز کھیلی بلکہ وہ اس ورلڈ کپ میں سب سے بڑی اننگز کھیلنے والی پلیئر بھی بن گئی ہیں۔
