’کیا ٹائم ٹریول ممکن ہے؟‘ تھیوریٹکل فزکس کےاس سوال کا عملی اطلاق کے ساتھ جواب دینا ابھی باقی ہے۔البتہ، یونائٹیڈ ایئرلائنز کے بوئنگ 777-300 طیارے امریکی مسافر طیارے نے ’ٹائم ٹریول‘ سے ملتا جلتا ایک کارنامہ سرانجام دیا ہے۔
اس امریکی مسافر طیارے نے جنوبی کوریا کے دارالحکومت سیول سے یکم جنوری 2023ء کو 12 بج کر 29 منٹ پر اُڑان بھری اور امریکا کے شہر سان فرانسیسکو میں 31 دسمبر 2022 کو شام 5 بج کر 1 منٹ پر لینڈ ہوگیا۔
لہٰذا، دنیا میں مختلف خطّوں کا ٹائم زون مختلف ہونے کی وجہ سئ اس مسافر طیارے پر سوار مسافروں نے تکنیکی طور پر اپنے ماضی میں سفر کیا۔
واضح رہے کہ جنوبی کوریا کا دارالحکومت سیول، امریکی شہر سان فرانسیسکو سے 17 گھنٹے آگے ہے۔
