امریکی ٹیکنالوجی کمپنی ایپل نے 12 ستمبر کو اپنے نئے آئی فون 15 اور سمارٹ واچز لانچ کرنے کا اعلان کر دیا۔
سعودی خبر رساں ادارے نے بلوم برگ کی ایک رپورٹ کے حوالے سے بتایا کہ ایپل کمپنی نے اپنی ویب سائٹ اور ای میل کے ذریعے لوگوں کو امریکی ریاست کیلی فورنیا میں 12ستمبر کو پریس ایونٹ میں شرکت کے دعوت نامے ارسال کر دیے ہیں، جس میں اس کے نئے آئی فون 15 اور سمارٹ واچز لانچ کی جائیں گی۔
صارفین ایپل کا ایونٹ اور آئی فون 15 سمیت دیگر پراڈکٹس کی لانچ کمپنی کی ویب سائٹ کے ذریعے لائیو دیکھ سکیں گے۔
غیر ملکی میڈیا آؤٹ لیٹس کے مطابق اس ایونٹ میں آئی فون 15، آئی فون 15 پلس، آئی فون 15 پرو اور آئی فون پرو میکس، ایپل واچز کی سیریز 9 اور واچ الٹرا 2 بھی لانچ کی جائیں گی۔
