آج ملتان کرکٹ اسٹیڈیم میں پاکستان سپر لیگ (پی ایس ایل) سیزن 8 کے پانچویں میچ میں ملتان سلطان کا سامنا پشاور زلمی سے ہوگا۔ میچ پاکستان کے معیاری وقت کے مطابق شام 6 بجے شروع ہوگا۔
بابر اعظم کی قیادت میں پشاور زلمی اپنا دوسرا میچ کھیلے گی جب کہ ملتان سلطان کی قیادت محمد رضوان کر رہے ہے ۔
ملتان سلطان نے سیزن 8 کے ابتدائی میچ میں لاہور قلندرز سے شکست کے بعد دوسرے میچ میں کوئٹہ گلیڈی ایٹرز کو شکست دے کر کم بیک کیا۔ آج پشاور زلمی کے خلاف تیسرے میچ میں حصہ لے گی۔
دونوں ٹیموں کے پاس میچ وننگ کھلاڑی موجود ہیں۔ پشاور زلمی افتتاحی میچ میں کراچی کنگز کو ہوم گراؤنڈ پر شکست دینے کے بعد پرعزم نظر آ رہی ہے۔
ملتان سلطان کی جانب ریلی روسو نے سیزن کے ڈیبیو میچ میں صرف 42 گیندوں پر 78 رنز بنائے۔ دوسری جانب احسان اللہ نے 4 اوررز میں 12 رنزکے عوض 5 کھلاڑی آؤٹ کرکے تاریخ رقم کی۔
پشاور زلمی کے جانب سے سٹار کھلاڑی کوہلر کیڈمور نے کراچی کے خلاف 50 گیندوں پر 92 رنز بنا کر ٹیم کو فتح یاب کیا۔ جیمز نیشام اور کپتان بابراعظم بھی میچ وننگ کھلاڑی ہیں۔
