کشمیر پر غیر قانونی طور پر قابض مودی سرکار کی دہشتگردانہ پالیسی کی ایک اور حقیقت منظر عام پر آ گئی ہے۔ مودی سرکار کی جانب سے بھارت کو دہشتگردی کا گڑھ بنا دیا گیا ہے اور الزامات پاکستان پر عائد کیے جا رہے ہیں۔
بھارتی میڈیا رپورٹس کے مطابق 16 ستمبر کو بارہ مولہ کے اُڑی سیکٹر میں بھارتی فورسز کے دہشتگردوں کے ساتھ انکاؤنٹر میں متعدد افسران اور جوان ہلاک ہوگئے۔ 12 ستمبر کو اننت ناگ میں بھی ایسے ہی من گھڑت بھارتی فورسز کے آپریشن کی خبر سامنے آئی تھی۔
رپورٹس کے مطابق فالس فلیگ آپریشن بھارتی ڈراما ہے جس کے ذریعے بھارت ایک سے زیادہ اہداف حاصل کرنا چاہتا ہے، بھارت پاکستان پر دہشت گردی کا الزام لگا کر مقبوضہ کشمیر میں جاری انسانی حقوق کی خلاف ورزیوں سے دنیا کی توجہ ہٹانا چاہتا ہے۔
مزید پڑھیں
بھارتی انتخابات کے پیش نظر مودی سرکار نے اپنے ہی شہریوں اور فوجی افسران کی بَلی چڑھانا شروع کردی۔ متعدد ثبوتوں اور شواہد سے ثابت ہوچکا ہے کہ بھارت ایک بار پھر پلوامہ ڈرامے کو دہرا کر مذموم سیاسی مقاصد حاصل کرنا چاہتا ہے۔
عالمی میڈیا کی بھی متعدد رپورٹس اور آڈیو ویڈیو شواہد سے ثابت ہو چکا ہے کہ بھارت لائن آف کنٹرول پر دہشت گردی پھیلا کر سیاسی عزائم حاصل کررہا ہے۔
رپورٹس کے مطابق بھارت کی جانب سے اَیسے جھوٹے فیک انکاؤنٹر کر کے اورجھوٹی اور من گھڑت خبریں پھلا کر جنگی جنون پیدا کرنا مودی کا پرانا وطیرہ ہے۔
بھارتی میڈیا سے بھی شواہد حاصل ہورہے ہیں کہ کیسے مودی سرکار لائن آف کنٹرول پر سیز فائر کے معاہدے کو منقطع کرنے کی کوشش کررہی ہے۔
بھارتی حکومت راجوڑی اور اننت ناگ میں بڑھتے ہوئے فسادات پر قابو نا کرپانے کی صورت میں میڈیا اور عوام کے سوالات کا رخ موڑنے کے لیے پاکستان پر الزام تراشی کے اوچھے ہتھکنڈے آزما رہی ہے۔
یہ بھی پڑھیں انڈیا کا سرکاری نام بھارت میں تبدیل کرنے کی ضرورت کیوں پیش آئی؟
رپورٹس کے مطابق کچھ دن قبل مقبوضہ جموں کشمیر کے علاقے راجوڑی سیکٹر میں 5 بھارتی فوجیوں کا قتل بھی مودی کی اپنے فوجیوں کے خون سے کھیل کر سیاست چمکانے کی ناکام کوشش تھی۔
بھارت کی یہی کوشش رہی ہے کہ اپنے اندرونی مسائل سے توجہ ہٹائے۔ سیز فائر کی مسلسل خلاف ورزیاں کی گئیں تاکہ ایل او سی پر جنگی صوتحال برقرار رہے۔
ان تصاویر اور ویڈیو سے یہ ثابت ہوتا ہے کہ مقبوضہ کشمیر کے اِس علاقے میں جہاں یہ ڈرامہ رچایا جا رہا ہے، صورتحال بالکل نارمل ہے۔
اس سارے ڈرامے کا مقصد صرف سیز فائر کو توڑنے کا جواز پیدا کر کے پاکستان کے خلاف گھٹیا مہم جوئی کے لیے راہ ہموار کرنا ہے۔
