آئی ایم ایف کا پاکستان سے تعاون جاری رکھنے کے عزم کا اظہار

عالمی مالیاتی ادارے آئی ایم ایف نے پاکستان سے تعاون جاری رکھنے کے عزم کا اظہار کیا ہے۔

نگراں وزیراعظم انوار الحق کاکڑ نے اقوام متحدہ کی جنرل اسمبلی کے 78ویں اجلاس کے موقع پر نیویارک میں آئی ایم ایف کی منیجنگ ڈائریکٹر کرسٹا لینا جارجیوا سے ملاقات کی اور پاکستان کے لیے آئی ایم ایف کی جانب سے 3 بلین امریکی ڈالر کے سٹینڈ بائی ایگریمنٹ (ایس بی اے) کی منظوری پر اظہار تشکر کیا۔

نگراں وزیر اعظم انوار الحق کاکٹر نے سوشل میڈیا پلیٹ فارم ایکس پر اپنے پیغام میں بتایا کہ انہوں نے ایم ڈی آئی ایم ایف کرسٹا لینا جارجیوا سے نیویارک میں ملاقات کی اور پاکستان کے لیے امدادی پیکیج پر ان کا شکریہ ادا کیا۔

انوار الحق کاکڑ نے بتایا کہ انہوں نے حکومت پاکستان کی جانب سے ملکی معیشت کے استحکام اور بحالی کے لیے کیے گئے مختلف اقدامات سے ایم ڈی آئی آئی ایم ایف کو آگاہ کیا اور ان کو یقین دہانی کروائی کہ ان اقدامات کا مقصد پائیدار اقتصادی ترقی اور سرمایہ کاری کے لیے ایک مستحکم اور سازگار ماحول پیدا کرنا ہے۔

Had a constructive dialogue with Ms. Kristalina Georgieva, Managing Director of the IMF, at the #UNGA78, that emphasized extending our mutual commitment towards bolstering economic stability and growth in Pakistan. pic.twitter.com/u8kJX8Eqga

— Anwaar ul Haq Kakar (@anwaar_kakar) September 20, 2023

آئی ایم ایف کی منیجنگ ڈائریکٹر کرسٹا لینا جارجیوا نے بھی ایکس پر بتایا کہ ان کی پاکستان کے معاشی استحکام کے حوالے سے وزیر اعظم پاکستان سے اہم ملاقات ہوئی ہے۔

انہوں نے کہا ہے کہ پاکستان کے نگراں وزیر اعظم سے ملاقات میں پاکستان میں معاشی استحکام یقینی بنانے، پائیدار اور جامع ترقی کو فروغ دینے، محصولات کی وصولی اور معاشرے میں کمزور طبقے کا تحفظ یقینی بنانے کے لیے مربوط پالیسی اپنانے پر اتفاق کیا گیا۔

Very good meeting with Pakistan’s PM @anwaar_kakar today on 🇵🇰’s economic prospects. We agreed on the vital need for strong policies to ensure stability, foster sustainable and inclusive growth, prioritize revenue collection, and protection for the most vulnerable in Pakistan. pic.twitter.com/YkVpju4UqY

— Kristalina Georgieva (@KGeorgieva) September 20, 2023