کوئٹہ میں منشیات اسمگلروں کے ساتھ جھڑپ میں اینٹی نارکوٹکس فورس کے 3 اہلکار زخمی جبکہ ملزمان منشیات کا بیگ چھوڑ کر فرار ہوگئے۔
اہل علاقہ کی جانب سے منشیات فروشی کے خلاف شکایت پر اے این ایف کی ٹیم نے کو ئٹہ شہر کے مغربی بائی پاس کے قریب ہوٹل پر چھاپہ مار کارروائی کی۔ملزمان ہوٹل کی آڑ میں منشیات فروشی کا دھندہ کرتے تھے۔
ترجمان اے این ایف کے مطابق دوران کارروائی ملزمان نے اے این ایف کے اہلکاروں پر فائرنگ کر دی۔ ملزمان کے ساتھ فائرنگ کے تبادلے میں اے این ایف کے 3 اہلکار زخمی ہوئے۔ ملزمان کی فائرنگ سے قریب سے گزرنے والے ایک ٹرک کا ڈرائیور بھی زخمی ہوا۔
’ملزمان منشیات کا بیگ چھوڑ کر موقع سے فرار ہونے میں کامیاب ہو گئے۔ بیگ چیک کرنے پر 4 کلوگرام چرس برآمد کر لی گئی ہے۔ ملزمان کی گرفتاری کیلئے تمام وسائل بروئے کار لائے جا رہے ہیں۔‘