سیکیورٹی فورسز نے تحریک طالبان پاکستان (ٹی ٹی پی) کے دہشتگردوں کی افغانستان سے پاکستان میں دراندازی کی کوشش کو ناکام بناتے ہوئے ژوب میں سمبازہ کے قریب 3 دہشتگردوں کو عبرت کا نشان بناتے ہوئے ہلاک کر دیا۔
مزید پڑھیں
پاک فوج کے شعبہ تعلقات عامہ (آئی ایس پی آر) کے مطابق دہشتگردوں کے حملے کے دوران آپریشن میں سکیورٹی فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں 4 فوجی جوان شہید ہوگئے۔
آئی ایس پی آر کی جانب سے جاری بیان میں کہا گیا کہ آپریشن میں حوالدار ستار، لانس نائیک شیر اعظم، لانس نائیک عدنان اور سپاہی ندیم نے بہادری سے مقابلہ کرتے ہوئےجام شہادت نوش کیا۔
آئی ایس پی آر کے مطابق فائرنگ کے تبادلے میں 3 دہشت گرد جہنم واصل ہوئے جبکہ متعدد زخمی ہوئے ہیں۔
آئی ایس پی آر کا کہنا ہے کہ پاکستان کی سیکیورٹی فورسز ملک میں امن و خوشحالی کے دشمنوں کی کوششوں کو ناکام بناتے رہیں گے۔
