پاکستان سری لنکا کو شکست دے کر مسلسل دوسری مرتبہ ٹی ٹوئنٹی وہیل چیئر ایشین چیمپئن بن گیا۔
پیر کو نیپال کے دارالحکومت کھٹمنڈو میں کھیلے گئے ٹی ٹوئنٹی وہیل چیئر ایشیا کپ کے فیصلہ کن معرکے میں دفاعی چیمئپن نے ٹاس جیت کر پہلے بیٹنگ کا فیصلہ کیا۔
پاکستان اوپنرز محمد عدنان اور عمرگل نے فاتحانہ آغاز کرتے ہوئے میچ کا سکور 140رنزتک پہنچایا۔ محمد عدنان نے 66 رنز بنائے۔ اس کے فورا بعد محمد لطیف 4 رنز بناکر کیچ آؤٹ ہوگئے۔ 150رنز پر پاکستان کو دوسرا نقصان ہوا۔
ساجد علی عباسی 8 رنز بناکر پویلین لوٹے۔ پاکستان کی چوتھی وکٹ 196رنز پر گری۔ عمر گل 53 گیندوں پر 95 رنز بناکر بولڈ ہوگئے اور مثل خان 14رنز بناکر رن آٹ ہوئے۔ اس طرح پاکستان نے 5 وکٹوں کے نقصان پر 215رنز بنائے۔ فیض 11 اور احمد یار 8 رنز بناکر ناٹ آؤٹ رہے۔ سری لنکا کے سوجیوا نے 2 وکٹیں لیں۔
ہدف کے تعاقب میں سری لنکا کی ٹیم 17.2 اوورز میں 113رنز پر ڈھیرہوگئی اور پاکستان نے 102رنز سے کامیابی اپنے نام کی۔
سارتھ نے 25 اور سومتھ کرونا رتنے 20 رنز بنائےسوڈن آصف ندیم نے 3 کھلاڑیوں کو آؤٹ کیا جبکہ مثال خان اور احمد یار نے ایک ایک وکٹ حاصل کی۔ اوپنر عمر گل کو بہترین پرفارمنس پر مین آف دی میچ کا ایوارڈ دیا گیا۔
