ایف آئی اے سائبر کرائم راولپنڈی نے جنسی ہراسگی اور بلیک میلنگ میں ملوث مجرم کو 4 سال قید اور 4 لاکھ روپے جرمانے کی سزا سنائی ہے۔ ملزم نے خاتون کی قابل اعتراض تصاویر اور ویڈیوز سوشل میڈیا پر شیئر کی تھیں۔
مزید پڑھیں
ایف آئی اے سائبر کرائم سرکل راولپنڈی نے ملزم کے خلاف رواں سال کے اوائل میں مقدمہ درج کیا تھا۔ مقدمے کی سماعت مکمل ہونے پر ایڈیشنل سیشن جج محمد وارث جاوید نے نعمان عطا کو مجرم قرار دیتے ہوئے 4 سال قید اور 4 لاکھ روپے جرمانے کی سزا سنائی ہے۔
ایف آئی اے کی جانب سے اسٹنٹ ڈائریکٹر لاء سکندر زمان نے مقدمے کی پیروی کی تھی۔ ایڈیشنل ڈائریکٹر سائبر کرائم راولپنڈی چوہدری عبدالرؤف کی جانب سے تفتیشی ٹیم کی کارکردگی کو سراہا گیا ہے۔
