انسانیت کی خاطر غزہ اسرائیل جنگ ختم کر دینی چاہیے، بپاشا باسو

بالی وڈ اداکارہ بپاشا باسو ان چند ستاروں میں سے ہیں جنہوں نے غزہ اسرئیل جنگ کے بارے میں اپنی رائے کا کھل کے اظہار کیا ہے۔ بپاشا باسو نے سوشل میڈیا پہ کچھ دل دہلا دینے والی تصاویر کے ساتھ لکھا ہے کہ ہمیں مذہبی مسائل چھوڑ کر انسانیت کی خاطر یہ جنگ ختم کر دینی چاہیے۔

بپاشا باسو نے جو تصویر شیئر کی ہیں، اس میں غزہ میں ہونے والی جنگ میں 2 بچے زخمی حالت میں اپنی ماں کو دھونڈتے ہوئے نظر آ رہے ہیں۔ بپاشا نے اپنے دکھ کا اظہار کرتے ہوئے کہا کے ہم لوگوں کو تھوڑی دیر کے لیے انسانیت کے بارے میں بھی سوچنا چاہیے۔ انہوں نے کہا کہ کوئی بھی مذہب یا جنگ معصوم جانوں کی قیمت بیان نہیں کرسکتی نا ہی ان سے زیادہ اہم کوئی شے ہوسکتی ہے۔

رپورٹس کے مطابق اب تک 8400 سے زائد افراد غزہ پر ہونے والی بمباری میں شہید ہوچکے ہیں جن میں سے 4500 صرف معصوم بچے ہیں۔ بپاشا کے علاوہ بالی وڈ اداکارہ سونم کپور نے بھی اس بارے میں بات کرتے ہوئے کہا ہے کہ جو ہو رہا ہے غلط ہو رہا ہے۔ حیرت کی بات یہ ہے کہ ان دونوں اداکاراؤں کے علاوہ بالی وڈ میں ہر طرف خاموشی نظر آرہی ہے۔