اذان سمیع خان اپنی والدہ زیبا بختیار سے بہت محبت کرتے ہیں۔ بختیار نے انہیں اکیلے ہی اذان کی پرورش کی ہے، یہی وجہ ہے کہ اذان اکثر اوقات ماں سے اپنی محبت کا اظہار کرتے رہتے ہیں۔
حال ہی میں ایک ٹی وی پروگرام میں زیبا بختیار کی سالگرہ منائی گئی جس میں زیبا اور اذان شریک تھے، اس موقع پر اذان نے بتایا کہ بچے کی اکیلے پرورش کرنا آسان نہیں اور وہ اپنی والدہ کے شکرگزار ہیں جنہوں نے ان کا بہت خیال رکھا۔
اذان نے پروگرام میں پہلی بار اپنی والدہ کے لیے لائیو گانا ’ماں‘ گایا، اذان نے زیبا کے لیے یہ گانا اتنی محبت سے گایا کہ زیبا اپنے جذبات پر قابو نہ رکھ سکیں اور انہوں نے اسٹیج پر آکر اپنے بیٹے کو گلے سے لگا لیا۔
بعدازاں انہوں نے سوشل میڈیا پر اپنے فینز کو بتایا کہ انہوں نے اپنی والدہ کے لیے ایک نغمہ گایا ہے، انہوں نے سوشل میڈیا پر یہ گانا شیئر کیا جس پر صارفین نے ان کے گانے اور آواز کی تعریف کی اور زیبا اور اذان کے لیے نیک تمناؤں کا بھی اظہار کیا۔
