بھارت میں جاری آئی سی سی مینز کرکٹ ورلڈ کپ 2023 کے 38 ویں میچ میں ایک انوکھا واقعہ پیش آیا جب فیلڈ امپائرز نے سری لنکن بیٹرانیجیلو میتھیوز کو کریز پر تاخیر سے بال کھیلنے پر ’ٹائم آؤٹ‘ قرار دے دیا گیا۔
اب سٹی ٹریفک پولیس راولپنڈی نے موٹر سائیکل سواروں میں ہیلمٹ کی اہمیت اجاگر کرنے کے لیے ’ٹائم آؤٹ‘ مہم کا آغاز کیا ہے جس میں کہا گیا ہے کہ افسوس، مگر ایک معیاری ہیلمٹ آپ کو ’ٹائم آؤٹ‘ ہونے سے بچا سکتا ہے۔
ٹریفک پولیس کا اپنے پیغام میں مزید کہنا تھا کہ موٹر سائیکل سوار کے لیے ہیلمٹ ضروری نہیں بلکہ لازمی بھی ہے۔
افسوس، مگر ایک معیاری ہیلمٹ، آپکو ٹائم آؤٹ ہونے سے بچا سکتا ہے۔
موٹرسائیکل سوار کیلئے ہیلمٹ ضروری ہی نہیں، لازمی بھی ہے۔ pic.twitter.com/T68evt2LJh— City Traffic Police, Rawalpindi (@ctprwp) November 8, 2023
ایک صارف نے سٹی ٹریفک پولیس راولپنڈی کی پوسٹ پر تبصرہ کرتے ہوئے لکھا کہ آپ ہماری حسِ مزاح کو شکست نہیں دے سکتے۔
you cannot beat our sense of humour man im crying😭😭 https://t.co/Hll2F4woiO
— sta mor 𓃠 (@peesho444) November 8, 2023
شکیل شاہ لکھتے ہیں کہ مجھے یہ اشتہار پسند آیا کیونکہ اس نے میری توجہ فورا اپنی جانب مبذول کرائی ہے۔
I love this ad! Got my attention instantly. 👍👌
— 𝕊𝕙𝕒𝕜𝕖𝕖𝕝 𝕊𝕙𝕒𝕙 (@SShahHashmi) November 8, 2023
انعام عباسی نے ’ٹائم آؤٹ‘ مہم کی داد دیتے ہوئے لکھا کہ موٹر سائیکل سوراوں کے ہیلمٹ پہننے کو یقینی بنانے کے لیے لیے سٹی ٹریفک پولیس کا یہ آئیڈیا بہت اچھا ہے۔
Great Idea to ensure Helmet 🪖
— Inam Abbasi (@InamAbbasi11) November 8, 2023
واضح رہے کہ موٹر سائیکل سواروں کو ہیلمٹ پہننے کا پابند بنانے کے لیے وقتاً فوقتاً مہم چلائی جاتی ہے اور اس سے قبل ڈی سی لاہور نے نے حکم دیا تھا کہ بغیر ہیلمٹ موٹر سائیکل سواروں کو پٹرول نہیں دیا جائے گا جس کو بعد ازاں لاہور ہائیکورٹ نے معطل کر دیا تھا۔
ورلڈ کپ میں بنگلہ دیش اور سری لنکا کے میچ میں سدیرا کی وکٹ گرنے پر میتھیوز میدان میں آئے، بیٹنگ کے لیے ہیلمٹ پہنا ہی تھا کہ اس کا اسٹریپ ٹوٹ گیا جب انہوں نے دوسرا ہیلمٹ منگوایا تو آنے میں وقت لگ گیا تھا۔ اسی دوران بنگلہ دیشی کپتان شکیب الحسن نے امپائر سے اپیل کردی، امپائر نے سوچ بچار کرکے میتھیوز کو آؤٹ قرار دے دیا۔
