ورلڈ کپ میں پاکستانی ٹیم کی ناقص کارکردگی کے پس منظر میں جنوبی افریقہ کے سابق فاسٹ بولر مورنے مورکل نے پاکستان کی کرکٹ ٹیم کے بولنگ کوچ کے عہدے سے استعفیٰ دے دیا ہے۔
جنوبی افریقہ کے سابق فاسٹ باؤلر نے رواں سال جون میں 6 ماہ کے معاہدے پر پاکستانی ٹیم کے بولنگ کوچ کی حیثیت سے جوائن کیا تھا۔ مورنے مورکل کی پہلی اسائنمنٹ دو میچوں کی ٹیسٹ سیریز کے لیے سری لنکا کا دورہ تھا۔
پاکستان کرکٹ بورڈ جلد ہی ان کے متبادل کا اعلان کرے گا۔ پاکستانی کرکٹ ٹیم کی آئندہ اسائنمنٹ آسٹریلیا کے خلاف تین میچوں کی ٹیسٹ سیریز ہے جو 14 دسمبر 2023 سے 7 جنوری 2024 تک آسٹریلیا میں کھیلی جائے گی۔
