چیئرمین پاکستان کرکٹ بورڈ مینجمنٹ کمیٹی ذکا اشرف کی زیر صدارت پاکستان سپر لیگ (پی ایس ایل) کی گورننگ کونسل کا اجلاس ہوا ہے۔
نیشنل کرکٹ اکیڈمی لاہور میں ہونے والے اس اجلاس میں پی ایس ایل کی تمام 6 فرنچائزز کے نمائندوں اور پاکستان کرکٹ بورڈ کے حکام نے شرکت کی۔
اجلاس میں پاکستان سپر لیگ کے نویں ایڈیشن سے متعلق تمام امور پر تفصیلی غور کیا گیا جن میں آپریشنل اور لاجسٹیکل معاملات بھی شامل تھے۔
پی ایس ایل 9 کا ڈرافٹ ٹی ٹوئنٹی کپ کے اختتام کے فوراً بعد دسمبر کے وسط میں ہو گا۔
اجلاس میں اس بات پر مکمل اتفاق کیا گیا کہ چونکہ ماہ فروری میں ملک میں عام انتخابات کے انعقاد کا اعلان کیا گیا ہے لہٰذا پاکستان سپر لیگ 9 کی تاریخ کو حتمی شکل دینے کے سلسلے میں حکومت پاکستان سے مشورہ کیا جائے۔
پی ایس ایل کی فرنچائزز نے پاکستان کرکٹ بورڈ سے کہا ہے کہ پی ایس ایل کے میڈیا حقوق کی فروخت کے عمل کو تیز کیا جائے۔
