امریکی ریاست کنیکٹیکٹ کے شہر ٹورنگٹن میں ایک پالتو کتے نے حاضر دماغی کا مظاہرہ کرتے ہوئے ایک ریچھ کو 6 سالہ بچے کے قریب پہنچنے سے پہلے ہی بھگا دیا۔
یہ بھی پڑھیں: اب آپ کا کتا زیادہ عرصہ آپ کے ساتھ رہ سکتا ہے، نئی دوا نے سب کو حیران کر دیا
غیرملکی میڈیا کے مطابق یہ واقعہ گھر کے باہر نصب نگرانی کے کیمرے میں محفوظ ہوگیا۔ ویڈیو میں دیکھا جاسکتا ہے کہ ایک ریچھ اچانک ڈرائیو وے میں کھیلتے بچے کی طرف بڑھتا ہے اور چند قدم کے فاصلے پر پہنچ جاتا ہے۔ اسی دوران خاندان کا پالتو ہسکی کتا تیزی سے ریچھ کی طرف لپکتا ہے اور زور سے بھونکتے ہوئے اس کا تعاقب کرتا ہے، جس پر ریچھ وہاں سے بھاگ جاتا ہے۔
یہ بھی پڑھیں: کیلیفورنیا میں پالتو کتوں کو بچانے کے لیے جوڑے کا سیاہ ریچھ سے مقابلہ
رپورٹ کے مطابق کتے کی فوری کارروائی کے باعث بچہ محفوظ رہا اور اسے کوئی نقصان نہیں پہنچا۔ واقعے کی ویڈیو سوشل میڈیا پر تیزی سے وائرل ہو رہی ہے، جہاں صارفین کتے کی وفاداری اور بہادری کو سراہ رہے ہیں۔
