سابق بھارتی کپتان کپل دیو نے انکشاف کیا ہے کہ بھارتی کرکٹ کنٹرول بورڈ نے انہیں نریندر مودی اسٹیڈیم احمد آباد میں ہونے والے آئی سی سی ورلڈ کپ 2023 کے فائنل کے لیے مدعو نہیں کیا۔
سماجی رابطے کی ویب سائٹ پر وائرل ویڈیو میں سابق بھارتی کپتان کپل دیو کا کہنا تھا، سادہ سی بات ہے کہ انہوں نے نہیں بلایا اور میں نہیں گیا ، میں1983 کی وننگ ٹیم کے ساتھ جانا چاہتا تھا لیکن مجھے لگتا ہے کہ اتنے بڑے ایونٹ کی ذمہ داری ان پر تھی شاید وہ بھول گئے ہوں۔
https://x.com/cricketwallah/status/1726440475618357718?s=20
کپل دیو کے علاوہ نریندرا مودی اسٹیڈیم میں موجود دیگر سابق ہندوستانی کپتانوں میں سورو گنگولی بھی شامل تھے، جنہیں بی سی سی آئی کے سابق صدر کی حیثیت سے مدعو کیا گیا تھا۔ ماضی کے صدور اور عہدیداروں کو مدعو کرنا بی سی سی آئی کا معمول ہے۔
ایک صارف نے اس پر تبصرہ کرتے ہوئے لکھا کپل دیو کو بھلایا نہیں جا سکتا ہاں ان کو جان بوجھ کے نظر انداز ضرور کیا جاسکتا ہے۔
Kapil dev can’t b forgotten, yes he can b deliberately ignored!
— (طارق) Tarique (@TariqueHAshraf) November 20, 2023
واضح رہے کہ بھارتی کرکٹ ٹیم نے کپل دیو کی قیادت میں اپنا سب سے پہلا عالمی کپ جیتا ، اس وقت 60 اوورز کا فارمیٹ تھا۔ کپل دیو کی زیرقیادت ہندوستانی ٹیم نے ایک لو اسکورنگ مقابلے میں ویسٹ انڈیز کرکٹ ٹیم کو ہرا کر ورلڈ کپ اپنے نام کیا تھا ۔