خبر رساں ادارے رائٹرز کے مطابق ٹیکساس کی نو منتخب گورنر جینا ہینوجوسا نے ریاست میں نئے ڈیٹا سینٹرز کی منظوریوں پر پابندی لگانے کا اعلان کیا ہے، جس کے بعد اربوں ڈالر کے منصوبوں کا مستقبل غیر یقینی ہوگیا ہے۔
مزید پڑھیں:ملازمتوں میں سست روی کی بڑی وجہ مصنوعی ذہانت نہیں، نئی تحقیق نے دعوے چیلنج کر دیے
جینا ہینوجوسا نے انتخابی مہم کے دوران وعدہ کیا تھا کہ ڈیٹا سینٹرز کی تعمیر اس وقت تک روک دی جائے گی جب تک ریاستی قانون ساز پانی، بجلی اور ماحولیاتی تحفظ سے متعلق مؤثر قوانین نہیں بناتے اور مقامی آبادی کو ان منصوبوں کے فیصلوں میں شامل نہیں کرتے۔
رائٹرز کے مطابق سستی زمین، توانائی کی دستیابی اور کاروبار دوست پالیسیوں کے باعث ٹیکساس ڈیٹا سینٹرز کی تعمیر کے لیے امریکا کی اہم ریاست بن چکی ہے۔ میٹا، گوگل اور مائیکروسافٹ سمیت بڑی ٹیکنالوجی کمپنیوں نے بھی گزشتہ 2 برس کے دوران یہاں بڑے منصوبوں کا اعلان کیا ہے۔
#IGR: New Texas Senator-Elect Talarico And Governor Hinojosa Celebrate Win At Diner
Texas Senator-elect James Talarico and Governor-elect Gina Hinojosa celebrated their victories at a diner in Austin after Democrats secured major wins in the state.
Hinojosa defeated Republican Governor Greg Abbott, ending the party’s three-decade hold on the governor’s office while Talarico defeated Trump-backed Republican Ken Paxton in the Senate race.
The victories came as Democrats won control of both the Senate and House in a sweeping midterm upset.
— India Global Review (@IGR_Media) November 4, 2026
رپورٹ کے مطابق امریکا میں 2030 تک منصوبہ بندی کے تحت قائم ہونے والی ڈیٹا سینٹرز کی مجموعی گنجائش کا قریباً ایک چوتھائی ٹیکساس میں متوقع ہے، جبکہ ریاست کے بجلی کے نظام سے منسلک ہونے کے لیے 400 گیگاواٹ سے زائد مجوزہ منصوبے زیر غور ہیں۔
ڈیٹا سینٹرز کی بڑھتی تعداد کے باعث مقامی آبادی میں بجلی کی قیمتوں، پانی کے استعمال اور ماحولیاتی اثرات پر تشویش پائی جاتی ہے۔ دوسری جانب صنعت سے وابستہ نمائندوں کا کہنا ہے کہ نئی پابندیوں سے کئی منصوبے تاخیر کا شکار یا دوسری ریاستوں اور ممالک منتقل ہوسکتے ہیں۔
مزید پڑھیں:دودھ اور واشنگ مشین تک اے آئی سے زیادہ سخت قوانین کے تابع ہیں، صدر مائیکروسافٹ
رائٹرز کے مطابق سبکدوش ہونے والے گورنر گریگ ایبٹ بھی انتخابات سے قبل نئے ڈیٹا سینٹرز کے بجلی کے نظام سے رابطوں پر عارضی پابندی اور منصوبوں کے آڈٹ سمیت بعض اقدامات کرچکے ہیں، جس سے پہلے ہی اربوں ڈالر کے منصوبوں پر سوالات اٹھ گئے تھے۔
