پاکستان مسلم لیگ ن کے قائد نواز شریف نے کہا ہے کہ ہم نے خود اپنے ملک کے ساتھ زیادتی کی اور شاید اب اس زیادتی کے ازالے کا وقت آ گیا ہے۔
مسلم لیگ ن پارلیمانی بورڈ کے اجلاس میں ٹکٹ کے لیے درخواستیں دینے والوں سے خطاب کرتے ہوئے نواز شریف نے کہاکہ قوم جاننا چاہتی ہے کہ 2017 میں ترقی کرتے پاکستان کو کیوں روکا گیا۔ میں یہ سوال بار بار پوچھتا ہوں کہ ایسا کیوں ہوا مگر میرے سوال کا کوئی جواب نہیں آتا۔
مسلم لیگ (ن) کے قائد محمد نواز شریف لاہور میں ملتان ڈویژن سے ٹکٹ امیدواروں کے اجلاس سے خطاب کر رہے ہیں https://t.co/cjDHiS37eW
— PMLN (@pmln_org) December 11, 2023
قائد پاکستان مسلم لیگ ن نے کہاکہ خود بھی سوچتا ہوں کہ میں بار بار یہ سوال کیوں پوچھتا ہوں، دنیا بہت آگے چلی گئی ہم پیچھے رہ گئے، اس کا احساس و ادراک ہم سب کو ہونا چاہیے۔
نواز شریف نے کہاکہ ہمیں افسوس کرنا چاہیے کہ کیوں دنیا کے پست ترین ممالک میں شامل ہیں۔ یہ ملک بہت امیدوں سے بنا تھا۔ اب یہ ترقی کرے گا اور دنیا کے نقشے پر منفرد مقام حاصل کرے گا۔
مزید پڑھیں
انہوں نے کہاکہ 2018 میں ہماری حکومت میں عوام خوش تھے، سی پیک تیزی سے چل رہا تھا اور مخالفین بھی کہہ رہے تھے کہ آئندہ عام انتخابات میں مسلم لیگ سوئپ کر جائے گی۔
قائد ن لیگ نے کہاکہ آج لوگ مہنگائی کی وجہ سے بجلی کا بل نہیں دے پا رہے، ایسا تو ہم نے 75 برس میں نہیں دیکھا۔
’دنیا کہاں سے کہاں پہنچ گئی اور ہم چھوٹی سے چھوٹی چیز امپورٹ کرتے ہیں‘۔
سابق وزیراعظم نے کہاکہ مسلم لیگ ن ٹکٹوں کے فیصلے میرٹ پر کرے گی۔ پاکستان کے ساتھ ہوئی زیادتی کے ازالے کے لیے اپنی ذات سے باہر نکل کر سوچنا ہو گا۔