آفیشل سیکریٹ ایکٹ خصوصی عدالت نے سائفر کیس کی کارروائی پرنٹ، الیکٹرونک اور سوشل میڈیا پر نشر کرنے پر مکمل پابندی عائد کر دی۔
خصوصی عدالت کی جانب سے جاری ہونے والے فیصلے میں کہا گیا ہے کہ پرنٹ، الیکٹرونک اور سوشل میڈیا پر سائفر کیس کی کوئی کاررروائی نشر نہیں ہو گی، پیمرا اور پی ٹی اے کو اس حوالے سے ہدایات پر پابندی کی ہدایت کی جاتی ہے۔
پرنٹ الیکٹرونک اور سوشل میڈیا پر جو بھی سائفر کا نام بھی لے گا تو اس کے خلاف آفیشل سیکریٹ ایکٹ کے تحت کاروائی ہو گی ۔۔ نیا حکم جاری pic.twitter.com/wiznrWoitK
— Saqib Bashir (@saqibbashir156) December 14, 2023
عدالتی فیصلے میں لکھا گیا ہے کہ اگر کوئی بھی خلاف ورزی ہوئی تو اس پر آفیشل سیکریٹ ایکٹ کے تحت کارروائی ہوگی، پیمرا اور پی ٹی اے کو عدالتی حکم کی کاپی فراہم کی جائے تاکہ آئندہ خلاف ورزی نہ ہو۔
مزید پڑھیں
فیصلے میں عدالت نے لکھا کہ سائفر کیس کا ٹرائل ان کیمرہ کرنے کی پراسیکیوشن کی درخواست منظور کی جاتی ہے جبکہ عمران خان اور شاہ محمود قریشی کی فیملیز موجود ہوں گی اور شرط ہوگی کہ وہ لوگ عدالتی کارروائی کو کسی جگہ بیان نہیں کریں گے۔
تحریری حکم نامے میں کہا گیا ہے کہ ٹرائل کی کارروائی کے دوران عدالت میں پبلک موجود نہیں ہوگی۔ واضح رہے کہ ایف آئی اے نے عدالت سے کارروائی ان کیمرا کرنے کی درخواست دائر کی تھی۔
