ترکیہ کا پہلا خلائی مسافر 9 جنوری کو روانہ ہو رہا ہے اور پورے یورپ پر محیط ایکسیئم مشن تھری ‘Ax3 ‘ کے ذریعے متوقع اس خلائی سفر کے مسافر بین الاقوامی خلائی اسٹیشن پر جائیں گے۔
ٹی آر ٹی کے مطابق مذکورہ مشن نے اپنے سوشل میڈیا پیج ایکس سے جاری کردہ بیان میں کہا ہے کہ A3 مشن 9 جنوری کو خلائی سفر کے لیے راکٹ فائر کر رہا ہے۔ مکمل طور پر یورپی باشندوں پر مشتمل ٹیم ‘اسپیس ایکس ڈریگن’ خلائی گاڑی کے ذریعے خلائی اسٹیشن کی طرف پرواز کریں گے‘۔
ترکیہ کے وزیر صنعت و ٹیکنالوجی مہمت قاجر نے بھی سوشل میڈیا پر جاری کردہ ویڈیو میں 9 جنوری 2024 کی طرف توجہ مبذول کروائی ہے۔
واضح رہے کہ ترکیہ کے پہلے انسانی خلائی مشن کے دائرہ کار میں آلپر گیزیر آوجی 14 دن تک بین الاقوامی خلائی اسٹیشن پر قیام کریں گے اور 13 مختلف سائنسی تجربے کریں گے۔
