مصری ماہرین آثار قدیمہ کی گیزا کے عظیم اہرام پر ایک نئی کھوج سامنے آئی ہے۔
بی بی سی کے مطابق مصری نوادرات کے حکام کا کہنا ہے کہ انھوں نے ساڑھے 4 ہزار سال قدیم گیزا کے عظیم اہرام کے مرکزی دروازہ کے اوپر ایک پوشیدہ راہداری دریافت کی ہے۔
حکام کا خیال ہے کہ یہ اہرام داخلی دروازہ یا کسی اور چیمبر کے وزن کو سہارا دینے کے لیے بنایا گیا تھا۔
راہداری کی دریافت کو پہلی مرتبہ جمعرات کو ایک نیوز کانفرنس میں منظر عام پر لایا گیا جس میں راہداری کی تصاویر بھی دکھائی گئیں۔
مصر کی سپریم کونسل کے سربراہ مصطفیٰ وزیری نے کہا ہے راہداری کے اختتام پر کیا ہے اس چیز کو جانچنے کے لیے مزید کھوج کا عمل جاری ہے۔
مصری ماہر آثار قدیمہ زاہی حواس نے راہداری کو ایک بڑی دریافت قرار دیتے ہوئے کہا ہے کہ اس سے یہ اندازہ لگایا جا سکتا ہے کہ مصری بادشاہ خوفو کی تدفین والا چیمبر بھی اسی اہرام میں ہی کہیں موجود ہو سکتا ہے۔
