راولپنڈی میں اسلام آباد ایکسپریس وے کے مقام پر ڈھوک کالا خان اسٹاپ کے قریب خوفناک ٹریفک حادثہ پیش آیا جس میں 4 افراد جاں بحق اور 5 زخمی ہوگئے، تمام زخمیوں کو فوری ابتدائی طبی امداد کے لیے اسپتال منتقل کر دیا گیا ہے۔
ترجمان 1122 کا کہنا ہے کہ حادثہ کار اور موٹرسائیکل کے درمیان پیش آیا، زخمیوں میں 4 افراد کی حالت انتہائی تشویشناک ہے جب کہ جاں بحق افراد کی لاشیں پمز اسپتال منتقل کردی گئی ہیں۔
مزید پڑھیں
ریسکیو ذرائع کے مطابق ٹریفک حادثہ میں جاں بحق 2 افراد کا تعلق مسیح برادی سے ہے، تمام زخمی افراد کا تعلق بھی مسیح برادری سے ہے جبکہ کار میں سوار تمام افراد نشے کی حالت میں تھے۔
ترجمان اسلام آباد کیپیٹل پولیس کے مطابق تیز رفتار گاڑی ایکسپریس وے پر بے قابو ہو کر الٹ گئی۔ حادثے میں 4 افراد جاں بحق جبکہ 5 زخمی ہوئے۔
ترجمان کے مطابق گاڑی میں تجویز کردہ حد سے زیادہ افراد سوار تھے۔ حادثے کی وجہ تیز رفتار، ڈرائیور کی لاپرواہی اور ٹریفک قوانین کی خلاف ورزی ہے۔ضابطے کی قانونی کارروائی عمل میں لائی جا رہی ہے۔کسی بھی ایمرجنسی میں پکار 15 یا آئی سی ٹی 15 ایپ پر اطلاع دیں۔
