قومی احتساب بیورو (نیب) کے الیکشن سیل نے عام انتخابات 2024 میں حصہ لینے والے مسلم لیگ ن کے تمام امیدواروں کو کلیئر کر دیا ہے۔
ذرائع کے مطابق نیب ہیڈ کوارٹر میں الیکشن کمیشن کی معاونت کے لیے خصوصی سیل قائم کردیا گیا ہے۔
ذرائع نے بتایا ہے کہ الیکشن لڑنے والے امیدواروں کی نیب اسکروٹنی میں نوازشریف، مریم نواز سمیت ن لیگ کے تمام امیدوار کلیئر قرار دے دیے گئے ہیں۔
مزید پڑھیں
نیب ہیڈ کوارٹر میں قائم سیل کی تمام بیورو معاونت کر رہےہیں۔
اِدھر الیکشن کمیشن کے ترجمان کا کہنا ہے کہ آن لائن سہولت مرکز 24 گھنٹے کام کر رہا ہے، امیدواران کے کوائف ضروری کارروائی کے لیے متعلقہ اداروں کو بھجوائے جا رہے ہیں۔
انہوں نے کہاکہ پلی بارگین کرنے والے اور سزا یافتہ امیدواران الیکشن لڑنے کے لیے اہل نہیں ہوتے۔
ترجمان نے کہاکہ پیپلزپارٹی اور دیگر جماعتوں کے امیدواروں کی اسکروٹنی کا عمل جاری ہے۔
واضح رہے کہ عام انتخابات 2024 کے شیڈول کے مطابق کاغذات نامزدگی جمع کرانے کی گزشتہ روز آخری تاریخ تھی اور اب 30 دسمبر تک امیدواروں کے کاغذات کی اسکروٹنی کی جائے گی۔