عمران خان بتا چکے تھے، اصل سازش تو ووٹرز کے خلاف ہوئی ہے: علیمہ خان

عمران خان کی ہمشیرہ علیمہ خان نے کہا کہ جس سازش سے عمران خان نے لوگوں کو آگاہ کیا، وہ اصل میں تو ووٹرز کے خلاف کی گئی ہے، عوام کا مینڈیٹ لے کر آنے والوں کو حکومت سے نکال دیا گیا، وہ یہی تو سازش تھی جس کا عمران خان ذکر کرتے تھے۔

علیمہ خان نے عدالت کے باہر میڈیا سے گفتگو کرتے ہوئے کہا کہ پاکستان میں جو سازش ہوئی تھی وہ اصل میں تو ووٹرز کے ساتھ کی گئی تھی، اسی لیے آج لوگ جاننا چاہتے ہیں کہ عایا یہ سازش کیوں کی گئی، کیا یہ جرم نہیں ہے؟

انہوں نے کہا کہ عمران خان نے پہلے ہی بتا دیا تھا کہ لوگوں کے ووٹ سے منتخب ہوکر آنے والوں کو جس طریقے سے ہٹایا گیا ہے اس کا مطلب یہ ہے کہ یہ سازش ووٹرز کے خلاف کی گئی ہے۔

علیمہ خان نے اپنے چچا جاوید زمان کے انتقال پر بات کرتے ہوئے کہا کہ عمران خان بہت دکھی تھے، انہوں نے کہا کہ میرا بچپن چچا جاوید زمان کے ساتھ گزرا ہے، جس پر وہ بہت رنجیدہ تھے۔

انہوں نے کہا کہ اس حوالے سے شاہ محمود قریشی نے جیل میں دعا بھی کروائی، عمران خان نے دعا میں حصہ بھی لیا۔