ٹیبل ٹینس بھی ان کھیلوں میں سے ایک ہے جس میں کھلاڑی کی نظریں عقاب کی طرح گیند کا پیچھا کرتی ہیں اور اس میں یہ تصور بہت مشکل ہے کہ کوئی نابینا اس گیم کو احسن طور پر کھیل سکتا ہے لیکن ایک آسٹریلوی طالبہ نے یہ مشکل آسان کردی۔
غیر ملکی میڈیا کے مطابق اسکول آف انجینئرنگ کی طالبہ فوبی پینگ نے کچھ ایسا طریقہ نکال لیا کہ اب ٹیبل ٹینس نابینا افراد بھی بخوبی کھیل سکیں گے۔ انہوں نے کیمرے اور اسپیکر کے استعمال سے یہ ممکن کردکھایا۔
اصل میں نابینا افراد کے لیے دو گیمز ہیں یعنی سوئش اور شو ڈاؤن اور دونوں ہی ٹیبل ٹینس سے ملتے جلتے ہیں لیکن گیند کو ٹیبل کی سطح پر آگے پیچھے ہٹ کرنا شامل ہے۔ اس لحاظ سے یہ تقریباً ایئر ہاکی کی طرح ہے جب کہ آواز نکالنے والی ایک خاص گیند کے ساتھ باقاعدہ ٹیبل ٹینس کھیلنا بھی کچھ حد تک ممکن ہے لیکن اس طرح کی گیندیں بہتر کارکردگی نہیں دکھاتیں۔ ان حدود کو ذہن میں رکھتے ہوئے یونیورسٹی آف سڈنی نے اسکول آف انجینئرنگ کی طالبہ فوبی پینگ کو اعزاز سے نوازا جو یونیورسٹی آف سڈنی کی کمپنی اے آر آئی اے ریسرچ کے ساتھ کام کرتی ہیں۔ طالبہ نے اپنا نیا تجرباتی نظام پینگ نے سڈنی میں ہونے والی ایکوسٹکس 2023 کانفرنس میں پیش کیا تھا۔
سیٹ اپ میں ایک روایتی ٹیبل، ریکٹس اور گیند کے ساتھ ساتھ میز کے دونوں طرف اسپیکرز کی ایک صف اور دو نیورل کیمرے ہوں گے جو مقامی تبدیلیوں کے ذریعے اشیا کی نقل و حرکت اور چمک کا پتا لگائیں گے۔
مزید پڑھیں
دونوں کیمروں کے آؤٹ پٹس کو ملا کر حقیقی وقت میں تھری ڈی اسپیس میں گیند کی پوزیشن کو ٹریک کرنا ممکن ہے۔ ایک خاص الگورتھم اس ڈیٹا کو اسپیکرز کو کنٹرول کرنے کے لیے استعمال کرتا ہے جس کی وجہ سے وہ ایک آواز کا میدان بناتا ہے جو گیند کی موجودہ پوزیشن سے میل کھاتا ہے۔
خیال یہ ہے کہ دونوں کھلاڑی صرف گیند کی پوزیشن کو سنتے ہیں لیکن نظام کو حقیقی دنیا کے استعمال کے لیے دستیاب ہونے سے پہلے مزید تحقیق کی ضرورت ہوگی۔
فوبی پینگ کا کہنا ہے کہ اس بات کی حدود ہیں کہ لوگ آواز کی لوکلائزیشن کو کس حد تک درست طریقے سے سمجھ سکتے ہیں۔ کس قسم کی آواز کا استعمال کیا جانا چاہیے اور کیا آواز کو مسلسل ہونا چاہیے یہ کچھ تکنیکی چیلنجز ہیں جن سے نمٹا جا رہا ہے۔
