پاکستان فلم انڈسٹری لالی ووڈ کے معروف ہدایت کار پرمیش ادیوال نے ہندو دھرم ترک کرکے اسلام قبول کرلیا۔ ان کا اسلامی نام محمد ہے۔
محمد گزشتہ کئی سالوں سے فلم انڈسٹری سے منسلک ہیں اور انہوں نے ’پنجاب نہیں جاؤں گی‘، ’عشرت میڈ ان چائنا‘ جیسی کامیاب فلمیں ڈائریکٹ کی ہیں۔ علاوہ ازیں انہوں نے مختلف اشتہارات میں میں اپنے فن کا لوہا منوایا ہے۔ انہوں نے اسلام قبول ہونے کے فوراً بعد ہی عمرے کی سعادت بھی حاصل کی ہے۔
ہدایت کار نے انسٹاگر ام میں اپنے مسلمان ہونے کا اعلان کر تے ہوئے لکھا کہ ’انہوں نے عمرے کی سعادت بھی حاصل کرلی ہے اور ان کا اسلامی نام محمد ہے‘۔
انہوں نے اپنے انسٹاگرام پر مسجد نبویﷺ سے عبادت کرتے ہوئے اپنی ویڈیو جاری کی اور دائرہ اسلام میں آنے کا اعلان کیا۔ انسٹاگرام پر شیئر کی گئی ویڈیو پر عاطف اسلم کی قوالی تاجدار حرم لگائی گئی ہے جب کہ ویڈیو میں پرمیش کو عقیدت و احترام سے ہاتھ باندھے بھی دیکھا جاسکتا ہے۔
انہوں نے انسٹا اسٹوری پر مدینہ منورہ سے لی گئی تصاویر بھی شیئر کیں.
محمد کی جانب سے ویڈیو شیئر کرتے ہی وائرل ہوگئی ہے جس پر شوبز ستاروں کی جانب سے مبارک باد دینے کا سلسلہ بھی جاری ہے۔
#ParmeshAdiwal #accepted #Islam.
Director #ParmeshAdewal belonged to the Hindu religion, but now he has accepted Islam and obtained the blessing of Umrah.
Parmesh released a video of himself worshiping at the Prophet's Mosque on his Instagram and informed….. pic.twitter.com/54BThAHjdy— Monthly Andaz e Jahan (@e_monthly) January 10, 2024
نومسلم ہدایت کار کو دیگر کے علاوہ شوبز کی کئی شخصیات نے بھی اسلام قبول کرنے پر مبارک باد یتے ہوئے نیک خواہشات کا اظہار بھی کیا۔
