بھارتی کرکٹ ٹیم کے کپتان روہت شرما نے افغانستان کے خلاف میچ میں اپنے ٹی20 کیریئر کی 5 ویں سینچری سکور کر کے تاریخ رقم کر دی۔
بھارت اور افغانستان کے درمیان بینگلورو میں کھیلے گئے سیریز کے آخری میچ میں روہت شرما نے تیز ترین سنچری بنا ڈالی اور ٹی20 میں 5 سنچریاں مکمل کرنے والے پہلے بیٹر بن گئے ہیں۔
When Rohit Sharma scores, he goes BIG! 🚀 pic.twitter.com/zvvUn9Ffm1
— ESPNcricinfo (@ESPNcricinfo) January 17, 2024
اس اننگز کے ساتھ روہت شرما نے بطور کپتان اپنے مجموعی رنز میں ویرات کوہلی کو بھی پیچھے چھوڑ دیا ہے۔ ویرات کوہلی ٹی20 کرکٹ میں سب سے زیادہ 1570 رنز بنانے والے کپتان تھے۔
اس سے قبل روہت شرما نے 2018 میں لکھنؤ میں ویسٹ انڈیز کے خلاف ایک میچ میں 111 رنز بنائے تھے۔
افغانستان کے خلاف روہت شرما کے 121 رنز ٹی20 میں ان کے کیریئر کا سب سے بڑا انفرادی سکور ہے۔ اس سے قبل انہوں نے 2017 میں اندور میں سری لنکا کے خلاف میچ میں 118 رنز بنائے تھے۔