پاک فوج کے شعبہ تعلقات عامہ (آئی ایس پی آر) کے مطابق پاک فوج نے پاک افغان سرحد کے قریب بلوچستان کے ضلع ژوب میں انٹیلی جنس بنیادوں پر آپریشن کیا، اس دوران فائرنگ کے تبادلے میں 7 دہشت گرد ہلاک کر دیے گئے ہیں۔
مزید پڑھیں
آئی ایس پی آر کے مطابق آپریشن ضلع ژوب کے علاقے سمبازا سیکٹر میں کیا گیا۔ دہشت گرد فورسز کے خلاف دہشت گردانہ کارروائیوں اور معصوم شہریوں کے قتل میں ملوث تھے۔
آئی ایس پی آر نے کہا ہے کہ علاقے میں موجود دیگر دہشت گردوں کے خاتمے کے لیے کلیئرنس آپریشن جاری ہے۔ سیکیورٹی فورسز دہشت گردی کی لعنت کے خاتمے کے لیے پُرعزم ہیں۔
