پاکستان میں مغربی ہواؤں کا سلسلہ داخل ہونا شروع ہو گیا ہے جس کے باعث آئندہ 24 سے 48 گھنٹوں تک ملک کے بیشتر علاقوں کہیں کہیں شدید برفباری اور موسلا دھار بارشوں کا امکان ہے۔
مزید پڑھیں
محکمہ موسمیات نے سماجی رابطے کی ویب سائٹ ’ایکس‘ پر جاری ایک پوسٹ میں کہا ہے کہ جمعرات کو ملک میں مغربی ہواؤں کا لمبا سلسلہ شروع ہو جائے گا جس سے کہیں کہیں شدید برفباری اور موسلا دھار بارشیں ہوں گی۔
محکمہ موسمیات کے مطابق آئندہ 24 سے 48 گھنٹوں کے دوران ملک کے بیشتر علاقوں میں موسم شدید سرد رہنے کا بھی امکان ہے جبکہ ملک کے شمالی علاقوں اور شمالی، مغربی بلوچستان میں مطلع جزوی اَبر آلود رہنےکا امکان ہے۔
🛑 تیار ہوجائیں..مغربی ہواؤں کے لمبے سلسلے آج سے شروع ہوجائیں گے.. کہیں کہیں 🌨️ شدید برفباری اور ⛈️ موسلا دھار بارشیں!
آئندہ 24/48 گھنٹوں کے دوران ملک کے بیشتر علاقوں میں موسم شدید سرد رہنے کا امکان ہے جبکہ ملک کے شمالی علاقوں اور شمالی/مغربی بلوچستان میں مطلع جزوی ابر آلود… pic.twitter.com/vg2cw5jfh6— PakWeather.com (@Pak_Weather) January 25, 2024
رپورٹ کے مطابق اس دوران کشمیر، گلگت بلتستان اوربالائی پنجاب، خیبر پختونخوا، شمال، مغربی بلوچستان میں چند مقا مات پر بارش اور پہاڑوں پر برفباری کا امکان ہے۔
اس ہفتے اسلام آباد، راولپنڈی سمیت پنجاب کے بالائی علاقوں میں بھی گرج چمک اور تیز ہواؤں کے ساتھ بارشوں کے امکانات ہیں ساتھ ہی مری، گلیات، نتھیا گلی، کالام، مظفر آباد، مالم جبہ سمیت سیاحتی مقامات پر بھی برفباری کے قوی امکانات ہیں۔
محکمہ موسمیات کے مطابق بعد ازاں بارشوں کا یہ سلسلہ لاہور، فیصل آباد ، ملتان، بہاول پور، جہلم سمیت پنجاب، پشاور، نوشہرہ، وزیرستان، دیر، ایبٹ آباد سمیت خیبر پختونخوا، بلوجستان اور سندھ کے کچھ علاقوں تک پھیل جائے گا۔
محکمہ موسمیات کے مطابق مغربی ہواؤں کے سلسلے کے سبب اگلے ہفتے سے دُھند کی شدت میں واضح کمی آنے کے امکانات ہیں۔ اگلے ہفتے کے دوران بالائی علاقوں میں شدید برف باری کے امکانات بن سکتے ہیں خاص طور پر گلگت بلتستان، کشمیر اور خیبر پختونخوا کے پہاڑی علاقوں میں شدید برف باری کے باعث مشکلات میں اضافہ ہوسکتا ہے۔
🟢 WEAK WESTERN DISTURBANCE LATEST UPDATES:
◾ جیسا کہ چند روز قبل پیش گوئی کی گئی تھی کمزور مغربی ڈسٹربنس کے زیر اثر بادل پاکستان کے بالائی علاقوں میں داخل ہو گئے ہیں۔
◾ شمالی علاقوں کے مختلف علاقوں سے ہلکی سے درمیانے درجے کی بارش کی اطلاع دی جا رہی ہے جبکہ وزیرستان اور… pic.twitter.com/YOdI1dcH5o
— Weather Updates PK (@WeatherWupk) January 25, 2024
محکمہ موسمیات نے سیاحوں سے گزارش کی ہے کہ شدید برف باری اور بارش کے دوران لینڈ سلائیڈنگ اور پھسلن کے باعث حادثات رونما ہونے کا خدشہ موجود ہوتا ہے اس لیے وہ احتیاطی تدابیر اختیار کریں۔
ادھر موسمیاتی تجزیہ کار جواد میمن نے اپنی ’ایکس‘ پوسٹ میں کہا ہے کہ ’جیسا کہ چند روز قبل پیش گوئی کی گئی تھی کہ کمزور مغربی ہواؤں کے زیر اثر بادل پاکستان کے بالائی علاقوں میں داخل ہو گئے ہیں۔ شمالی علاقوں کے مختلف علاقوں سے ہلکی اور درمیانے درجے کی بارش کی اطلاع دی جا رہی ہے جبکہ وزیرستان اور ملحقہ علاقوں میں ہلکی برفباری کی اطلاع ہے۔
پنجاب اور مغربی سندھ اور ملحقہ بلوچستان کے مختلف علاقوں میں دھند کا سلسلہ جاری ہے۔ کراچی میں خوشگوار دن جہاں زیادہ سے زیادہ درجہ حرارت 26.5 سینٹی گریڈ ریکارڈ کیا گیا ہے۔
