چیئرمین پاکستان تحریک انصاف اور سابق وزیر اعظم عمران خان نے سیکیورٹی خدشات کے پیش نظر جمعرات کو اسلام آباد نہ جانے کا فیصلہ کیا ہے۔
عمران خان نے لاہور میں واقع اپنی رہائش گاہ زمان پارک میں قانونی ٹیم اور سینئر قیادت سے مشاورت کی جہاں انھیں سیکیورٹی خطرات کے باعث اسلام آباد نہ جانے کا مشورہ دیا گیا۔
واضح رہے کہ توشہ خانہ کیس میں نیب اسلام آباد نے عمران خان کو 9 مارچ کو طلب کیا تھا۔
نیب کی جانب سے سابق وزیر اعظم کو توشہ خانہ کیس میں طلبی کا نوٹس جاری کیا گیا تھا جس میں انھیں اسلام آباد کے سیکٹر جی 6 میں واقع نیب کے دفتر میں دوپہر ڈھائی بجے پیش ہونے کا حکم دیا گیا تھا۔
