پاکستان پیپلزپارٹی (پی پی پی) کے چیئرمین بلاول بھٹو نے کہا ہے کہ چوتھی بار وزیراعظم بننے کا خواب دیکھنے والے غلط فہمی میں ہیں کیونکہ طاقت کا سرچشمہ عوام ہیں۔
راولپنڈی کے لیاقت باغ میں جلسہ سے خطاب کرتے ہوئے بلاول بھٹو نے کہاکہ پاکستان کے عوام کسی شخص کو چوتھی بار وزیراعظم بنتے نہیں دیکھنا چاہتے۔
انہوں نے نام لیے بغیر نوازشریف پر تقنید کرتے ہوئے کہاکہ اگر کوئی شخص چوتھی بار وزیراعظم بن بھی گیا تو یہ ملک ایسے ہی چلتا رہے گا، کوئی بہتری نہیں آئے گی۔
لائیو: پاکستان پیپلزپارٹی کا لیاقت باغ، راولپنڈی میں جلسہ عام https://t.co/Dft5ceLbmJ
— Pakistan Peoples Party – PPP (@PPP_Org) January 28, 2024
بلاول بھٹو نے کہاکہ عمران خان بھی کسی صورت وزیراعظم نہیں بنے گا، اس کی جماعت کے تمام عہدیدار پلانٹنڈ ہیں اس لیے عوام آزاد امیدواروں کو ووٹ دے کر ضائع نہ کریں۔
چیئرمین پی پی پی نے کہاکہ عوام تیر پر مہر لگائیں، ہم مل کر شیر کا شکار کریں گے اور حکومت بنا کر معاشی معاہدے پر عملدرآمد کرتے ہوئے تمام مسائل کا حل نکالیں گے۔
انہوں نے کہاکہ پیپلزپارٹی ہی وہ واحد جماعت ہے جو تمام مسائل سے نمٹ سکتی ہے کیونکہ اس وقت ملک خطرے میں ہے۔
انہوں نے کہاکہ اس وقت ملک میں معاشی کے ساتھ جمہوری بحران ہے، اس کے علاوہ دہشتگردی ایک بار پھر سر اٹھا رہے ہیں۔
ہمیں فیصلہ کرنا ہوگا کہ کوئی گڈ اور بیڈ طالبان نہیں
Related Posts
چیئرمین پی پی پی نے کہاکہ ہمیں فیصلہ کرنا ہو گا کہ اب ملک میں کوئی گڈ اور بیڈ طالبان نہیں، صرف اس کو مانیں گے جو پاکستان کے آئین کو مانتا ہے۔
بلاول بھٹو نے کہاکہ عوام 8 فروری کو تیر پر ٹھپہ لگائیں ہم ملک سے نفرت اور تقسیم کی سیاست کو ختم کریں گے۔
انہوں نے کہاکہ مسلم لیگ ن کے نظریاتی کارکنوں کو سمجھایا جائے کہ ن لیگ ووٹ کو عزت دو کے نظریہ سے ہٹ چکی ہے اور وہی پرانی سیاست کر رہی ہے۔
چیئرمین پی پی پی نے کہاکہ 8 فروری کو تیر پر ٹھپہ لگائیں، پیپلزپارٹی کے پاس تجربہ کار ٹیم ہے جو ملک کو استحکام دلا سکتی ہے۔