بالی وڈ کے لیجنڈ اداکار امیتابھ بچن نے اپنے پرستاروں سے اہم تجویز مانگ لی۔ عہدِ جوانی سے 81 سال کی عمر تک اپنی اداکاری سے خاص مقام اور پہچان حاصل کرنے والے اداکار امیتابھ بچن نے اپنی انسٹاگرام سوشل میڈیا پوسٹ سے تمام پرستاروں کی توجہ اپنی جانب مبذول کرائی ہے، ’کوئی مجھے اس پوسٹ کا عنوان تجویز کرسکتا ہے۔‘
مزید پڑھیں
فوٹو اینڈ ویڈیو شیئرنگ ایپ انسٹاگرام پر اداکار امیتابھ بچن نے منفرد پوسٹ جاری کی جس میں انہیں عجیب و غریب انداز میں کیمرے کے سامنے پوز دیتے دیکھا جاسکتا ہے۔ بلیو سوئیٹر شرٹ کے ساتھ کاندھے پر اونی مفلر ڈالے اداکار اپنے چہرے پر منفرد تاثرات کے ساتھ کچھ ایسے انداز میں کھڑے تھے کہ ہر دیکھنے والوں کے ذہن میں 1978 کی فلم ’ڈان‘ کے گانے ’کھائی کے پان بنارس والا ’ کے امیتابھ کی یاد تازہ ہوگئی۔
View this post on Instagram
منفرد اور مضحکہ خیز پوز شیئر کرتے ہوئے کیپشن میں اداکار نے اپنے مداحوں سے مشورہ مانگتے ہوئے لکھا کہ ’کوئی مجھے اس پوسٹ کا عنوان تجویز کرسکتا ہے۔‘
امیتابھ بچن کی پوسٹ پر سوشل میڈیا صارفین کی جانب سے منفرد تبصرے شروع ہوگئے،کسی نے اداکار کے اس انداز کو ماضی کی نامور فلم ’ڈان‘ کے امیتابھ سے ملایا تو کئی اس پوز پر دلچسپ تبصرے کرتے نظر آئے، ایک نے لکھا کہ ’چاؤ مِن بہت گرم تھے‘ ایک پرستار کا کہنا تھا ’جب برش کرتے ہوئے سامنے کا دانت ٹوٹ جائے۔‘
