پاکستان پیپلزپارٹی نے بلوچستان کے حلقہ پی بی 25 کیچ ون سے انتخابات میں حصہ لینے والے ٹکٹ ہولڈر ظہور بلیدی کو شوکاز نوٹس جاری کر دیا۔
پاکستان پیپلزپارٹی نے ضابطہ اخلاق کی خلاف ورزی پر ظہور بلیدی کو شوکاز نوٹس جاری کیا ہے۔
نوٹس کے مطابق ظہور بلیدی حلقہ این اے 258 میں مسلم لیگ نواز کے نامزد امیدوار اسلم بلیدی کے لیے مہم چلا رہے تھے۔
مزید پڑھیں
انچارج پی پی پی الیکشن سیل نے نوٹس میں لکھا ہے کہ پارٹی کو موصول ویڈیو میں ظہور بلیدی اسلم بلیدی کے لیے ووٹ مانگ رہے ہیں۔
پارٹی نے ظہور بلیدی کو 3 میں وضاحت جمع کرانے کی ہدایت کی ہے۔
واضح رہے کہ ملک بھر میں 8 فروری کو ہونے والے عام انتخابات کے لیے سیاسی جماعتوں کی انتخابی مہم جاری ہے۔
پاکستان پیپلزپارٹی کی جانب سے آصف زرداری، بلاول بھٹو سمیت آصفہ بھٹو بھی میدان میں موجود ہیں۔
بلاول بھٹو نے اپنی توپوں کا رخ مسلم لیگ ن کی جانب رکھا ہوا ہے، جبکہ آصف زرداری کا موقف ہے کہ بلاول بھٹو نواز مخالف ووٹ کو اپنی طرف کھینچنے کی کوشش کر رہا ہے۔