وفاق اور پنجاب میں حکومت سازی کے اہم معاملے پر جاتی عمرہ میں نواز شریف کی سربراہی میں ن لیگ کی بڑی بیٹھک میں کیے گئے ہیں، بڑے بڑے فیصلے۔ مسلم لیگ ن نے وفاق اور پنجاب میں حکومت بنانے کے لیے ابتدائی خدوخال تیار کر لیے ہیں۔ مسلم لیگ ن کے اجلاس میں شہباز شریف وزیر اعظم جبکہ مریم نواز وزیر اعلیٰ پنجاب کے لیے مضبوط امیدوار بن کر سامنے آئے ہیں۔
مزید پڑھیں
ذرائع کے مطابق اجلاس میں شرکا نے شہباز شریف کو وزیر اعظم کے طور پر امیدوار نامزد کرنے کی تجویز دی اور اکثریت نے شہباز شریف کو وزیر اعظم بنانے کی تجویز کی حمایت بھی کی۔ وزیر اعلیٰ پنجاب کے لیے مریم نواز اب تک مضبوط امیدوار ہیں۔
مسلم لیگ ن دونوں نام اپنے ممکنہ اتحادیوں کے سامنے رکھے گی، شہباز شریف کے نام پر پی پی پی، ایم کیو ایم، جمیعت علما اسلام ف اور دیگر کی حمایت لینے کی کوشش کی جائے گی۔ ن لیگ حکومت سازی سے متعلق اپنی تجاویز اتحادیوں کے سامنے رکھے گی اور متفقہ فیصلوں کی کوشش کی جائے گی۔
