حکومت سازی کے لیے پاکستان مسلم لیگ (ن) اور ایم کیو ایم کی 50 منٹ تک جاری رہنے والی اہم بیٹھک لاہور میں ہوئی۔ ملاقات میں ایم کیو ایم نے اپنے مطالبات کی لسٹ نوازشریف کو پیش کی، ذرائع کے مطابق ایم کیو ایم نے ن لیگ کی حکومت بننے کی صورت میں سندھ کی گورنر شپ مانگ لی، اور کہا کہ کراچی میں وفاق کے ترقیاتی منصوبوں میں ایم کیو ایم کو آن بورڈ رکھا جائے گا۔ نوازشریف نے ایم کیو ایم کی شرائط کا مثبت انداز میں جواب دیا ہے۔
مزید پڑھیں
ایم کیو ایم پاکستان کا وفد ڈاکٹر خالد مقبول صدیقی کی قیادت میں رائیونڈ پہنچا، ایم کیوایم وفد میں گورنر سندھ کامران ٹیسوری، ڈاکٹر فاروق ستار، مصطفیٰ کمال بھی شامل ہیں۔ پاکستان مسلم لیگ (ن) کے قائد محمد نوازشریف اور ایم کیوایم کی قیادت کے درمیان اہم سیاسی بات چیت ہوئی۔ مسلم لیگ (ن) کے صدر شہبازشریف، مریم نواز رانا ثنا اللہ خان، احسن اقبال اور دیگر لیگی راہنما بھی ملاقات میں شریک تھے۔ ملاقات میں حکومت سازی کے حوالے سے مشاورت کی گئی۔
ذرائع کا کہنا ہے کہ مسلم لیگ ن اور ایم کیو ایم کے درمیان آئندہ مل کر چلنے پر اتفاق ہو گیا ہے، مسلم لیگ ن اور متحدہ قومی موومنٹ حکومت سازی کے مشاورتی عمل میں شریک رہیں گے۔ ایم کیو ایم اور مسلم لیگ ن مشترکہ طورپر دیگر سیاسی جماعتوں سے رابطے بھی کریں گی۔
ایم کیو ایم نے ن لیگ کی قیادت کے سامنے پیپلزپارٹی سے متعلق اپنے خدشات ظاہر کیے تو ن لیگ نے ایم کیو ایم اور پیپلزپارٹی کے درمیان مصالحانہ کردار ادا کرنے کی ہامی بھرلی۔ نوازشریف نے شہبازشریف کو ہدایت کی کہ آپ نے پیپلزپارٹی اور ایم کیو ایم کے درمیان مصالحانہ کردار ادا کرنا ہے۔
قبل ازیں رائیونڈ آمد پر مسلم لیگ (ن) کے قائد محمد نواز شریف، صدر شہباز شریف نے پارٹی رہنماؤں کے ہمراہ ایم کیو ایم قائدین کا استقبال کیا۔
مسلم لیگ ن اور متحدہ قومی موومنٹ کے درمیان ملاقات کی اندرونی کہانی
50 منٹس تک جاری رہنے والی ملاقات میں ایم کیو ایم نے اپنے مطالبات کی لسٹ نوازشریف کو پیش کی، ذرائع کے مطابق ایم کیو ایم نے ن لیگ کی حکومت بننے کی صورت میں سندھ کی گورنر شپ مانگ لی، اور کراچی میں وفاق کے ترقیاتی منصوبوں میں ایم کیو ایم کو آن بورڈ رکھا جائے گا۔
مسلم لیگ ن اور ایم کیو ایم کے درمیان آئندہ مل کر چلنے پر اتفاق ہوگیا ہے۔ دونوں سیاسی پارٹیوں نے مستقبل میں ملک کو مشکلات سے نکالنے کے لیے لائحہ عمل پر غوروخوض کیا۔ نوازشریف نے ایم کیو ایم کی شرائط کا مثبت انداز میں جواب دیا ہے۔
میاں نواز شریف کی چوہدری شجاعت حسین سے ملاقات کا امکان
لاہور میں چوہدری شجاعت حسین کی رہائشگاہ سیاسی سرگرمیوں کا مرکز بن چکی ہے۔ آج دوپہر میاں نواز شریف کی چوہدری شجاعت حسین سے ملاقات کا امکان بھی ہے۔ نوازشریف، چوہدری شجاعت حسین کی رہائش گاہ ظہورالہیٰ روڈ آئیں گے۔ دونوں رہنما وفاق اور پنجاب میں حکومت سازی کے لیے تعاون کی درخواست کریں گے۔
