اکتوبر 2023 کے پہلے ہفتے سے غزہ میں اسرائیل اور حماس کی جنگ میں 27,000 سے زائد فلسطینی شہری جاں بحق اور 66,000 سے زائد زخمی ہوئے ہیں۔ 11,500 سے زیادہ بچے بھی اسرائیل کی بربریت کا نشانہ بنے ہیں، جنگ کو تقریباً 323 دن گزر چکے ہیں، لیکن غزہ میں انسانی بحران بدستور سنگین ہوتا جا رہا ہے۔
سیو دی چلڈرن کے مطابق غزہ میں تباہی کے دوران روزانہ 10 سے زائد بچے ایک یا ایک سے زیادہ اعضاء کھو رہے ہیں اور معالجین کو 1000 سے زیادہ بچوں کی ایک یا دونوں ٹانگیں کاٹنا پڑ رہی ہیں۔
حقیقت اور بھی خوفناک ہے کیوں کہ غزہ میں طبی سامان اور طبی عملے کی شدید قلت ہے، اقوام متحدہ نے غزہ کو فلسطینی بچوں کے لیے ‘قبرستان’ قرار دیا ہے۔
جہاں اسرائیل کی جارحیت سے معصوم فلسطینی بچے لقمہ اجل بن رہے ہیں یا معذور ہورہے ہیں، ایسے میں سماجی شخصیات کی جانب سے غزہ کے بچوں کی مدد کرنے کی محدود پیمانے پر کوشش بھی جاری ہے۔
#BooksforGaza are fundraising to help critically injured children in Gaza.
Visit https://t.co/llXFIiGgMj to buy signed books from participating authors. Until Feb 12 only. Books are £35, with the option to donate more pic.twitter.com/MNDrIuwLeV
— Kamila Shamsie (@kamilashamsie) February 8, 2024
پاکستان کی معروف مصنفہ اور سابق پاکستانی سیاستدان مرتضی بھٹو کی صاحبزادی فاطمہ بھٹو سمیت کئی نامور مصنفین نے غزہ جنگ میں شدید زخمی ہونے والے بچوں کو مدد فراہم کرنے کے لیے آن لائن کتابوں کی نیلامی شروع کی ہے۔
سوشل میڈیا ایکس پر #BooksforGazaکے نام سے ٹرینڈ بھی چلایا جارہا ہے، کتابوں کی آن لائن نیلامی انڈیا کی مصنف سونیا فلیرو،پاکستان کی مصنف فاطمہ بھٹو اور لٹریری ایجنٹ جولیا کی سربراہی میں ہورہی ہے۔
آن لائن کتابوں کی نیلامی سے حاصل ہونے والی آمدنی غزہ میں بچوں کو طبی امداد فراہم کرنے، لبنان میں ان کا علاج کرنے کے لیے ہے، غزہ میں طبی عملے کی امداد بھی اس فنڈز سے کی جائے گی، اس فنڈز کو ’غسان ابو سیٹہ چلڈرن فنڈ‘ کا نام دیا گیا ہے۔
There is 1 copy left of The Sun and her Flowers which @rupikaur_ will sign for whoever buys it and only 1 copy left of Trick Mirror which @jiatolentino will sign for the lucky buyer. Get them now and raise money for injured children in Gaza https://t.co/ZHtiNr1Pji @soniafaleiro…
— fatima bhutto (@fbhutto) February 10, 2024
آن لائن کتابوں کی نیلامی میں دنیا کے معروف مصنفین سیلی رونی، محسن حامد، کمیلا شمسی، علی اسمتھ، روپی کور، ایلف شفک، لارین گروف، اولیویا لینگ، نومی کلین اور ٹومی اورنج کی کتابیں فروخت کے لیے پیش کی جارہی ہیں، کتابوں کی اس نیلامی میں بچوں کے پسندیدہ مختلف مصنفین جیسا کہ نکیش شکلا، کیتھرین رونڈل اور جیمی اسمارٹ کی کتابیں بھی نیلام کی جارہی ہیں، کتابوں کی آن لائن نیلامی 15 فروری تک جاری رہے گی۔
نیلامی میں ہر کتاب کی قیمت 35 پاؤنڈ رکھی گئی ہے، لیکن اگر کوئی خریدار مقررہ قیمت سے زیادہ کی استطاعت رکھتا ہے تو وہ زیادہ رقم دے سکتا ہے، اکٹھے ہونے والے تمام فنڈز ذریعے غزہ میں اسرائیلی جارحیت سے معذور ہونے والے بچوں کی سرجری کے لیے استعمال کیے جائیں گے۔
ایکس پر اپنی ایک پوسٹ میں فاطمہ بھٹو نے لکھا کہ ’آؤ ایک کتاب خریدیں اور غزہ کے بچوں کو دکھائیں کہ دنیا نے ان کے مصائب پر آنکھیں بند نہیں کیں اور نہ کبھی وہ آنکھیں بند کرے گی۔‘
Share the #booksforgaza link: https://t.co/LEi2UEwF5V, come buy a book, and show the children of Gaza that the world has not turned a blind eye to their suffering and never will.
— fatima bhutto (@fbhutto) February 8, 2024