مسلم لیگ ن کی امیدوار مریم نواز پنجاب کی وزیر اعلیٰ منتخب ہو گئی ہیں۔ وزیراعلیٰ منتخب ہوتے ہی وہ مختلف جگہوں کے دورے کر رہی ہیں ، گزشتہ روز وزیراعلی پنجاب مریم نواز نے محفوظ پنجاب ویژن، پنجاب سیف سٹی اتھارٹی ہیڈکوارٹر کا دورہ کیا جس کی ویڈیو سوشل میڈیا پر وائرل ہو رہی ہے اور ناقدین کی جانب سے ان کو تنقید کا نشانہ بنایا جا رہا ہے ۔
وائرل ویڈیو میں دیکھا جا سکتا ہے کہ وزیراعلیٰ پنجاب مریم نواز کو بریفنگ دیتے ہوئے خاتون پولیس اہلکار کا دوپٹہ سر سے اتر جاتا ہے اور مریم نواز ان کے سر پر دوپٹہ اوڑھ دیتی ہیں جس پر صارفین کی جانب سے ان کے اس عمل کو سراہا جا رہا ہے جبکہ چند صارفین ایسے بھی ہیں جو ان کو تنقید کا نشانہ بنا رہے ہیں اور یہ کہتے نظر آتے ہیں کہ ایکٹنگ کے ایوارڈ کا مریم نواز کے علاوہ کوئی حقدار نہیں۔
مسلم لیگ ن کے حامی ایک ایکس صارف پرویز سندھیلہ نے مریم نواز کی ٹوئٹ شیئر کرتے ہوئے لکھا کہ مریم نواز کو بریفنگ دیتے ہوئے اس بیٹی کا دوپٹہ سر سے سرکا تو میڈیم چیف منسٹر نے ماں جیسی شفقت کا مظاہرہ کیا اور بیٹی کے سر پر دوپٹہ اوڑھ دیا، اب چند مٹھی بھر لبرل بغض میں تنقید کررہے ہیں جبکہ پورا پاکستان مریم نواز کے اس عمل کو سراہ رہا ہے، ویلڈن خادمہ پنجاب۔
مریم نواز کو بریفنگ دیتے ہوئے اس بیٹی کا ڈوپٹہ سر سے سرکا تو میڈیم چیف منسٹر نے ماں جیسی شفقت کا مظاہرہ کیا اور بیٹی کے سر پر ڈوپٹہ اوڑھ دیا، اب چند مٹھی بھر لبرل بغض میں تنقید کررہے ہیں جبکہ پورا پاکستان مریم نواز کے اس عمل کو سراہ رہا ہے، ویلڈن خادمہ پنجاب pic.twitter.com/d9BS2Le9rN
— Pervaiz Sandhila (@chsandhilaa) February 27, 2024
ویڈیو پر تنقید کرتے ہوئے ایک صارف نے لکھا کہ مریم نواز صرف شہرت کے چکر میں ہیں اور یہ بات سب کو معلوم ہے۔
شہرت کے چکر ہیں حقیقت سب کو معلوم ہے ۔۔#MadamThiefMinister https://t.co/3KmRIZXjth
— Hidayatullah Hanafi (@hidayat30570613) February 27, 2024
ملک شاہنواز نامی صارف شاعرانہ انداز میں لکھتے ہیں کہ کوئی دیکھ کر جل گیا اور کسی نے دعا دی۔
اس پر بڑے کہتے ہیں !
کوئی دیکھ کہ جل گیا
کسی نے دعا دی @MaryamNSharif https://t.co/3tAPlzZkBD— Afzaal Abbasi 💪 (@Afzaalabbasi47) February 27, 2024
ایکس صارف جبران نے اس موقع پر نگراں وزیراعظم انوار الحق کاکڑ کو یاد کرتے ہوئے کہا کہ انوار الحق کاکڑ تو کوئی چیز ہی نہیں کلائمکس تو اب شروع ہوا ہے۔ اب کروڑوں روپے ایسے اشتہارات اور ایڈز چلانے کے لیے خرچ ہوں گے۔ پنجاب کی عوام کے ساتھ ظلم ہوا ہے اگر اوور ایکٹنگ کا ایوارڈ دنیا میں ہوتا تو مریم کے علاوہ کوئی انسان اس کا حقدار نہیں ہے۔
کاکڑ تو کوئی چیز ہی نہیں کلائمکس تو آب شروع ہوا ہے آب کڑوروں روپے ایسے اشتہارات اور ایڈز چلانے کے لیے خرچ ہوگا۔پنجاب کی عوام کے ساتھ ظلم ہوا ہے اگر اوور ایکٹنگ کا ایوارڈ دنیا میں ہوتا تو مریم کے علاؤہ کوئی انسان اس کا حقدار نہیں ہے۔ https://t.co/3r6vGiBfa8
— جبران احمد چیمہ (@Jabran__Cheema) February 27, 2024
ن لیگ کے چاہنے والے ایک صارف نے مریم نواز کو مخاطب کرتے ہوئے کہا کہ آپ کے اقدامات قابل تعریف ہیں کیونکہ آپ عوام کے ان مسائل پر توجہ دے رہی ہیں جو عوام کے لیے اذیت بن چکے ہیں۔ ساتھ ہی انہوں نے لکھا کہ اللہ پاک آپ کو ہمت و استقامت عطا فرمائے تاکہ آپ پوری یکسوئی سے ان ماؤں، بہنوں، بیٹیوں سے مسائل سن کر ان کا حل نکالیں۔
@MaryamNSharif
آپ کے اقدامات قابل تعریف ہیں
یقین مانیں آپ عوام کے ان مسائل پر توجہ دے رہی ہیں جو عام عوام کے لئے اذیت بن چکے ہیں
اللہ پاک آپ کو ہمت و استقامت عطاء فرمائے تاکہ آپ پوری یکسوئی سے ان ماؤں بہنوں بیٹیوں سے مسائل سن کر ان کا حل نکالیں https://t.co/dDlgaEzgwj— ᕱᏃᕱო ოug♅ᕱլ™ (@Mughl92) February 27, 2024
واضح رہے کہ مریم نواز 220 ووٹ لے کر پاکستان کی تاریخ کی پہلی وزیراعلیٰ منتخب ہوئیں جب کہ اپوزیشن نے اجلاس کا بائیکاٹ کیا تھا۔
