پہلی بیوی کی اجازت لیے بغیر دوسری شادی کرنے پر شوہر کو عدالت نے دھر لیا اور بیوی کی درخواست پر لاہور کی فیملی کورٹ نے شوہر کو 7 ماہ قید کی سزا اور 5 لاکھ روپے جرمانہ عائد کردیا۔
فیملی کورٹ لاہور کے جج عدنان لیاقت نے زونا نصر کی درخواست پر کیس کی سماعت کی اور کارروائی مکمل ہونے کے بعد فیصلہ سنایا۔ درخواست گزار کی جانب سے بیرسٹر عثمان جی راشد چیمہ عدالت میں پیش ہوئے۔
مزید پڑھیں
عدالت نے تفصیلی فیصلہ جاری کرتے ہوئے بتایا کہ زونا ناصر کے شوہر محمد اورنگزیب خان نے پہلی بیوی کی اجازت کے بغیر دوسری شادی کی، دوسری شادی کے لیے قانونی طور پر تحریری اجازت لینا ضروری ہے۔
فیصلے میں بتایا گیا کہ ملزم اورنگزیب خان دوسری شادی سے قبل پہلی بیوی سے اجازت نہ لینے پر مسلم فیملی لا ارڈینیس کے سیکشن 6 ( 5) کی خلاف ورزی کی ہے۔
عدالت نے حکم دیا کہ ملزم کو اجازت لیے بغیر دوسری شادی کرنے پر 7 ماہ قید کی سزا دی جاتی ہے، ملزم اگر 5 لاکھ جرمانہ ادا نہیں کرتا تو ایک ماہ مزید قید میں رکھا جائے گا۔
