بیوی کی اجازت کے بغیر دوسری شادی کیوں کی؟، پشاور فیملی کورٹ نے شہری کو جیل بھیج دیا

پاکستان کے صوبے خیبر پختونخوا میں بیوی کی شکایت پر شوہر کو دوسری شادی کرنے کے جرم میں جیل بھیج دیا گیا ہے۔ پہلی بیوی نے فیملی کورٹ میں شکایت درجی کی تھی کہ اس کے شوہر نے اس کی اجازت کے بغیر دوسری شادی کی ہے۔

پشاور میں فیملی کورٹ نے مقامی شخص کو پہلی بیوی کی اجازت کے بغیر دوسری شادی کرنے کے جرم میں سزا سنائی اور کہا کہ دوسری شادی کرنے سے پہلے بیوی کی اجازت لینی چاہیے تھی۔

عدالت نے مقامی شہری کو 3 ماہ قید اور 5 ہزار روپے جرمانے کی سزا سنائی ہے عدالت نے فیصلے میں لکھا کہ جرمانہ ادا نہ کیا گیا تو شہری کو مزید 15روز جیل میں رہنا پڑے گا۔ عدالتی فیصلےکے بعد پولیس نے مجرم کو کمرہ عدالت سےگرفتارکرکے سینٹرل جیل پشاور منتقل کردیا۔

واضح رہے کہ بیوی نے بغیر اجازت دوسری شادی کرنے پر شوہر کے خلاف 2022 میں مقدمہ درج کیا تھا جس کا فیصلہ 20 اپریل 2022 کو سنایا گیا۔